سه‌ید عه‌ممار ئه‌لحه‌كیم و شاندێكى یاوه‌رى سه‌ردانى مه‌زارى نه‌مران و گۆڕستانى ئه‌نفالكراوانیان كرد
سه‌ید عه‌ممار ئه‌لحه‌كیم سه‌رۆكى ئه‌نجوومه‌نى باڵاى ئیسلامى له عێراق به یاوه‌رى ژماره‌یه‌ك له ئه‌ندامانى ئه‌نجوومه‌نى باڵاى ئیسلامى سه‌ردانى مه‌زارى نه‌مرانیان له بارزان كرد.
پاش گه‌یشتنی بۆ مه‌زاری نه‌مران له‌لایه‌ن خه‌لات بارزانی نوێنه‌ری سه‌رۆك بارزانی و ره‌بیع بارزانی كه‌سایه‌تی دیاری ده‌ڤه‌ره‌كه پێشوازی لێكرا، پاش خوێندنی سووره‌تی فاتحه، عه‌مار ئه‌لحه‌كیم له وته‌یه‌كدا باسی كه‌سایه‌تی گه‌وره‌یی بارزانی نه‌مر و خه‌بات و به‌رخودانی له‌به‌رامبه‌ر زوڵم و زۆرداری له‌لایه‌ن رژێمه یه‌ك له دوای یه‌كه‌كانی عێراق كرد و دواتر عه‌مار ئه‌لحه‌كیم و شاندی یاوه‌ری سه‌ردانی مه‌زاری ئه‌نفالكراوانیان كرد له بارزان.
