بەرهەمێ كارگەهێن خومالی ل دهۆكێ دگەهیتە ئیتالیا و بریتانیا

دهوك-KDP.info/ ئەیاد حەسەن سەروكێ ژورا بازرگانی و پێشەسازی ل پارێزگەها دهۆكێ تایبەت بو kdp .infoراگەهاند جهێ شانازییێ یە بو جارا ئێكێ بەرهەمێ كارگەهێن دهۆكێ دچیتە بەغدا و ناڤەراستا عیراقێ نوكە ئاڤا ڤەخوارنێ و ئەلەمنیوم و پلاستیك ژ دهۆكێ بو بەغدا و بەسرا و جهێن دێ دچیت، بو دەرڤەی وەلاتی هەتا نوكە قانونا ترانزێدی رێكێ نادەت تشتێ عیراقێ بچیتە دەرڤەی وەلاتی بتنێ هری و جلود رێك بو هەیە بچنە دەرڤەی. گوت ژی نوكە بتنێ بەرهەمێ كارگەهێن ناڤخویێ یێن پارێزگەها دهۆكێ ژ جلدا و هریێ ل كواشێ دهێتە بەرهەمئینان و دچیتە وەلاتێ ئیتالیا و بریتانیا.

هەروەها دیاركر گرێدانا گرێبەسا و واژوكرنا پروتوكولا دگەل ژورێن بازرگانی یێن بیانی ژلایێ مەڤە گەلەكا گرنگە، دگەل گەلەك ژوورێن بازرگانی یێن وەلاتی توركیا و ئەوروپا پروتوكول واژوكرینە، ئەڤ پروتوكولە دێ بەردەوامبن ل ئاییندەدا دێ مفایەكی مەزن لێ هێتەدیتن، بریكا ڤان پەیوەندییان دا دشێن گەلەك كومپانیێن بیانی بینینە هەرێما كوردستانێ دا، ئەو پێشانگەهێن ل دەرڤەی وەلاتی دهێنەڤەكرن ئەم دهێنە داخازكرن، ئەوێن ئەم دكەین وان داخازدكەین و مفا ل سەربورا وان خیبرا وان وەردگرین، مەرەم ژی پێ پتر ئابوری وەلاتی خورترلێ بكەن خو ب خەلكەكێ بدەینە نیاسین، گرێدانا پروتوكولا باوەریەكێ ددەتە هەرێما كوردستانێ.