بهەلكەفتا روژا جیهانی یا ژینگەهێ ئێكەم كونفەرەنسێ ژینگەهێ ل دهۆكێ برێڤەچوو

دهوك-KDP.info/ ل ژێر چاڤدێریا نێچیرڤان بارزانی سەروكێ حكومەتا هەرێما كوردستانێ و سەرجەم رێڤەبەر فەرمانگەهێن میری و گارگێریا پارێزگەها دهۆكێ و بسپورێن ژینگەهێ و دەستەیا پاراستنا ژینگەهێ ل دەمژمێر نەهێ سپێدەیا ئەڤرۆ 5/6 ئێكەم كونفەرەنسێ ژینگەهێ ل پارێزگەها دهۆكێ برێڤەچوو.

دلشاد عەبدولرەحمان رێڤەبەرێ فەرمانگەها ژینگەها دهۆكێ بو kdp.infoگوت ئەڤ كونفەرەنسە ب هەڤكاریا فەرمانگەهێن ژینگەهێ ل هەولێر و سلێمانی و چەندێن باژێرێن دی هاتیە سازكرن تێدا چەند سمنیار ل سەر ژینگەها سروشتی هاتنە پێشكێشكرن و پشكنینا ئاڤ و ئاخ و هەوا هاتنەكرن.

گوت ژی د گەلەك واراندا گەنگەشە ل سەر چاوانیا پێشڤەبرنا ژینگەهێ و چاوانیا پاراستنا وێ هاتنەكرن بو ماوێ دو روژا دێ كونفەرەنس یێ بەردەوامبیت ل روژا دویێ دێ راپورتێن هەڤپشك هێنە نڤیسن ل سەر بهێزكرنا ژینگەهێ پاشان بو جهێن بلند دێ هێنە رەوانەكرن.

دلشاد زێدەتر دیاركر پێنچ تەوەرێن گرنگ ل كونفەرەنسی دا هاتنە گفتو گوكرن ئەو ژی پیسبونا ئاڤێ و پیسبونا هەوا و ئاخێ و ژینگەها سروشی و هەمەجوریا زیندەوران بون.