فلادیمێر پۆتن : رووسیا نایەوێت تەرازوی هێز لە سوریا بگۆڕێت
مۆسکۆ - KDP.info/حکوومەتی رووسیا رەتیکردەوە کە وڵاتەکەی چەکی قورسی بە رژێمی سوریا دابێت و راشیگەیاند، کە نایەوێت تەرازووی جەنگ لە ناوچەکە بگٶرێ ، فلادیمێر پۆتن سەرۆکی رووسیا لە کۆتایی کۆنگرەی رووسیا و یەکێتی ئەورووپا ئەمرۆ سێشەممە رایگەیاند : تائێسته‌رووسیا مووشەکی زەمینی ئێس 300 نەداوەتە رژێمی سوریا و ئەو دەنگۆیانەی باس لەوە دەکەن ، کە رووسیا مووشەکەکانی تەسلیم بە سوریا کردووە ، دوورن لە راستی و تەنیا ئەمە پرپاگەندەی راگەیاندن، سەرۆکی رووسیا فلادیمێر پۆتن هەروەها ئەوەشی راگەیاند: ئەو رێککەوتنەی لەنێوان رژێمی ئەسەد و حکوومەتی رووسیا کراوە ، لە بارەی پێدانی چەکی قورس، ئەمرۆ نەبووە بەڵکو ماوەیەکی زۆرە ئەم رێککەوتنە ئیمزای لەسەر کراوە و لە ئێستە نەکراوە و هاوکات رووسیا نایەوێت تەرازووی هێزی جەنگ لەسوریا و ناوچەکە بگۆڕێ، شایەنی باسە : پێشتر ئەوە راگەیاندرابوو کە کە رووسیا چەکی قورس و بەتایبەت مووشەکی زەمینی ئێس 300 داوەتە رژێمی بەشار ئەسەد لە سوریا.
