163 سەرپێچكارێن ژینگەهێ ل پارێزگەها دهۆكێ هاتینە دەستەسەركرن
فەرماندێ هێزا دهۆك یا پێشمەرگێ پاراستنا ژینگەهێ ل پارێزگەها دهۆكێ راگەهاند دماوێ پێنچ هەیڤێن بوریدا یێن ئەڤ سالە ل سەرانسەرێ پارێزگەها دهۆكێ 163 سەرپێچكارێن ژینگەهێ هاتینە دەستەسەركرن و دگەل شەش كلاشینكوفا و پازدە جفتێن كەوا رێژا 85% یا سەرپێچكارا ل سەر سكرێ موسل هاتینە گرتن.
عەبدولكەریم هێتوتی فەرماندێ هاێزا پێشمەرگێ پاراستنا ژینگەهێ ئامارا پێنچ هەیڤێن بوری یێن سەرپێچیێن ژینگەهێ تایبەت بو kdp.infoدیاركر دماوێ قەدەغەكرنا راڤا ماسیان دا 100 سەرپێچكار دگەل هژمارەكا زورا تورا و ماتورێن كارەبێ و بەلەمە هاتینە گرتن و 85% ل سەر سكرێ موسل بون، دشەش هەیڤێن بوریدا حەفت سەرپێچكارێن پەزكیڤیا و 50 كەو گر ژی هاتیە گرتن و شەش كەسان ژی دارێن تەر ل ناڤا ژینگەها دهۆكێ دا برینە هاتینە گرتن و ژلایێ وان ڤە پێرابون دگەل دا هاتینە كرن.
هێتوتی زێدەتر خویاركر ئەڤ سەرپێچكارە ل دوڤ یاسایا پاراستنا ژینگەهێ هاتینە گرتن، ئەو تورو ماتور و بەلەمێن دگەل راڤچیان دا هاتینە گرتن هاتینە ژناڤبری گوت د ئەڤ سالە دا شەش كلاشینكوف و پازدە جفتێن كەوا هاتینە گرتن.
