سه‌باح ساعدى : نورى مالكى شه‌رعیه‌تا سیاسی ژ ده‌ستدایه و مانا شه‌رعیه‌تا وى یا یاسایی ژى ته‌نێ ل سه‌ر ده‌مێ مایه
سه‌باح ساعدى ئه‌ندامێ سه‌ربخوه د جڤاتا نوونه‌رێن ئێراقێ ده راگه‌هاند كو نورى مالكى سه‌رۆكێ وه‌زیرێ ئێراقێ شه‌رعیه‌تا سیاسى ژ ده‌ستدایه و مانا وى ژى ته‌نێ ل سه‌ر ده‌مێ مایه.
سه‌باع ساعدى د داخویانیه‌كه رۆژنامه‌ڤانى ده راگه‌هاند پرۆسێسا وه‌گرتنا باوه‌رێ ژ مالكى یه‌ك ژ رێ یێن بجهكرنا ده‌مۆكراسی نه ل وه‌لات و دڤێ ئه‌وێن ده‌نگ ب ده‌ستوورا وه‌لات دانه رێزێ ژ ده‌موكراسیێ بگرن.
ساعدى داخوازا ژ هه‌موو ئالیه‌كى كر نێرینێن دارێتنا پیلان و تۆمه‌تباركرنا هه‌ڤدوو د وه‌لات ده نه‌هێلن و خویا ژى كر دڤێ ره‌خنه‌گرتن و گوهه‌رتنا ده‌ستهه‌لاتێ ل وه‌لات بێته قه‌بولكرن. گۆت ژى وه‌لات پره ژ كه‌سایه‌تى یێن بهێز كو دكارن وه‌لات برێڤه‌ببن و ته‌نێ نورى مالكى د وه‌لات ده نییه.
هه‌روه‌ها ساعدى داخواز ژ سه‌رۆك كۆمارێ ئێراقێ كر پێگیرێ هه‌لوێستێن خوه به كو د جڤینێن پێنج ئالى یێن هه‌ولێر و دوكانێ دیاركرنه كو د وان جڤینان ده راگه‌هاندبوو گه‌ر ئیمزه‌ێن سه‌د و شێست و سێ ئه‌ندامێن جڤاتا نوونه‌ران ژبۆ وه‌رگرتنا باوه‌رێ ژ مالكى بێنه جڤاندن، دێ ل گۆر ده‌ستوورا وه‌لات داخوازا وه‌رگرتنا باوه‌رێ ژ نورى مالكى بكه.
