سه‌رۆكی هه‌رێمی كوردستان هاتنه‌وه‌ی ئیسراومیعراج له موسڵمانانی جیهان وعیراق و هه‌رێمی كوردستان پیرۆز ده‌كات
به بۆنه‌ی هاتنه‌وه‌ی یادی پڕ شكۆی شه‌وره‌وی ئیسراو میعراجی پێغه‌مبه‌ری مه‌زنمان محه‌مه‌د ئه‌لمسته‌فا (د.خ) ، رێزدار مەسعود بارزانی سەرۆكی هەرێمی كوردستان پەیامێكی پیرۆزبایی ئاراستەی تەواوی موسڵمانانی جیهان وعیراق و هه‌رێمی كوردستان كرد، ئەمەی خوارەوە دەقی پەیامەكەی بەرێزیانە:
بسم الله الرحمن الرحیم
(( سبحان الذی أسرى بعبده لیلاً من المسجد الحرام الى المسجد الأقصى الذی باركنا حوله لنریه من آیاتنا انه هو السمیع البصیر ))
صدق الله العظیم
به بۆنه‌ی هاتنه‌وه‌ی یادی پڕ شكۆی شه‌وره‌وی ئیسراو میعراجی پێغه‌مبه‌ری مه‌زنمان محه‌مه‌د ئه‌لمسته‌فا (د.خ) ، پیرۆزباییه‌كی گه‌رم ئاراسته‌ی موسڵمانانی جیهان به گشتی و موسڵمانانی عیراق و هه‌رێمی كوردستان به تایبه‌تی ده‌كه‌م . هیوادارم هه‌موو ساڵێ ئه‌م یاده به خێروخۆشی بگه‌ڕێته‌وه و كوردستانیش هه‌میشه ئاوه‌دان و پێشكه‌وتوو بێت.
مسعود بارزانی
سه‌رۆكی هه‌رێمی كوردستان
26ی ره‌جه‌بی 1433ی كۆچی
16ی حوزه‌یرانی 2012ی زایینی
