سەروكێ زانكویا پولیتەكنیك سەرەدانا پەیمانگەها تەكنیكی یا ئامێدیێ كر

ئامێدیی – تایبەت ب  KDP.info/ سەروكێ زانكویا پولیتەكنیكی یا دهوك ب مەرەما نێزیك هایداربوون ژ رەوشا پەیمانگەهێ ب گشتی و گاوانیا برێڤەگوونا تاقیكرنێن پراكتیكی یێن دوماهیكا سالێ ل پەیماگەهێ، سەرەدانا پەیمانگەها تەكنیكی یا ئامێدیێ كر و ژ بال راگرێ پەیمانگەها تەكنیكی یا ئامێدیێ ڤە هاتە پێشوازیكرن.

ل رێكەفتی 2013/5/26 سەروكێ زانكویا پولیتەكنیكی یا دهوك، ژبو نێزیك هایداربوون ژ رەوشا پەیمانگەهێ ب گشتی و گاوانیا برێڤەگوونا تاقیكرنێن پراكتیكی یێن دوماهیكا سالێ ل پەیماگەهێ و زانینا كێشە و گیروگرفتێن قوتابیان و گاوانیا بەرەڤپێشبرنا ئاستا زانست و زانینێ و نەهێلانا كێم و كاسیان ل پەیمانگەهێ سەرەدانا پەیمانگەها تەكنیكی یا ئامێدیێ كر و ژ بال (د.احسان توفیق تەیب) راگرێ پەیمانگەهێ ڤە هاتە پێشوازیكرن.

هەر د گارگوڤێ سەرەدانا خودا سەرەدانا بەشێن زانستی و هولێن خواندنێ و كافیتریایێ و گاوانیا برێڤەگوونا كارێ وان و گوهدانا گیروگرفت و گلەو گازندە و پێتڤیێن قوتابیان و پەیمانگەهێ كر و ئامادەییا خو ژی دیاركر ژبو هەر هەڤكارییەكێ.

پشترا سەرەدانا ئاڤاهیێ بەشێن ناڤخویی كر و ژ نێزیكڤە هایداری كارو گاوانیا برێڤەگوونا كارێ ئاڤاهیێ بەشێن ناڤخویی بوو ل پەیمانگەهێ و وان گیرو گرفت و پرسگرێن كو دكەڤنە د رێیا واندا بو تەمامكرنا ئاڤاهی كو د قوناغا دوماهیێ دایە و بو سالا داهاتی دێ كەڤیتە د خزمەتا قوتابیاندا.

د هەمبەردا ژی راگرێ پەیمانگەها تەكنیكی یا ئامێدیێ سوپاسیا سەروكێ زانكویا پولیتەكنیكی یا دهوكێ كر و داخواز كر كو هەر پشتەڤان و هاریكار بیت دگەل وان بو پێشخستنا زانست و زانینێ ل دەڤەرێ.