پارێزگه‌رێ دهوكێ پێشوازیا شانده‌كێ هه‌رێما شتوتگارت یا ئه‌لمانی كر
دهوك- KDP.info/ ئه‌ڤرو نیڤرو 27/5/2013 به‌رێز ته‌مه‌ر ره‌مه‌زان پارێزگه‌رێ دهوكێ پیشوازیا شانده‌كێ هه‌رێما شتوتگارت یا ئه‌لمانی ب سه‌روكاتیا شمیت وه‌زیرێ ژینگه‌هێ یی هه‌رێما نافبری كر، دهه‌ڤدیتنه‌كێ دا به‌حسێ گرنگیا پویته‌دانێ ب ژینگه‌هێ و پاراستنا وی هاته كرن، سه‌روكێ شاندێ ئه‌لمانی دیار كر ل ده‌مێ ئاڤاكرنا هه‌ر وه‌لاته‌كی پێدڤیه گرنگیه‌كا مه‌زن ب ب ژینگه‌هێ و پاراستنا وێ بهێته دان و كوت ئه‌ف چه‌نده ل هه‌رێما كوردستانێ هاتیه دیتن و گوت : ئارمانج ژ سه‌ره‌دانا مه بو كوردستانێ ئه‌وه ب چاڤ ره‌وشا ده‌ڤه‌رێ ببینین و یا پێدڤی بهێته كرن بو پالدانا كومپانیێن ئه‌لمانی بو پشكداری كرنێ دئاڤاكرنا ده‌ڤه‌رێ و بحهئینانا پروژێن وه‌به‌رهێنه‌ر دا، هه‌روه‌سا به‌حسێ وان بیازان كر یێن هه‌رێما وان ل ئه‌لمانیا یا پێ ناسیار وه‌كو پیشه‌سازیێ و ساخله‌میێ و ژینگه‌ه پارێزیێ و گوت ئارمانج ئه‌وه دگه‌ل ده‌زگایێن حكومه‌تا هه‌رێما كوردستانێ په‌یه‌وندیان دورست بكه‌ین داكو كومپانیێن ئه‌لمانی بشێن باشتر رولێ خو بگێرن و پشكداربن دپروژێن ده‌ڤه‌رێ دا .
ژلایێ خوڤه پارێزگه‌رێ دهوكێ دیار كر كو ئارمانجا كارگێریا پارێزگه‌هێ ژی ئه‌وه تێكه‌لی و په‌یوه‌ندیێن دوو قولی دنافبه‌را هه‌رێماوان و پارێزگه‌هێ دا خورت ببن و روله‌كێ به‌رچاڤ دبجهئینانا پروژێن وه‌به‌ر ئینانێ دا هه‌بیت و ئاماژه كره وان بیاڤان یێن پارێزگه‌ها دهوكێ پێ زه‌نگین و بیاڤێن وه‌به‌رئینانێ بو شاندێ مێهڤان دانه دیار كر و به‌رهه‌ڤیا كاگێریا پارێزگه‌هێ بو هه‌ر هاریكاری و ئاسانكاریه‌كا پێدڤی یت بو بساناهی كرنا پشكداری كرنا كومپانیێن ئه‌لمانی دپروژێن وه‌به‌رئینانی و ئاڤاكرنا ده‌ڤه‌رێ دوپاتكر .
هه‌رو ئه‌ڤرو شاندێ نافبری دگه‌لدا رێڤه‌به‌رێ گشتی یێ باژێرڤانیا ل پارێزگه‌هێ سه‌را كارگه‌ها كواشێ یا ژێك ڤاڤارتنا به‌رمایكا گلێشی دا و سه‌حكره كارێ و ێ، ئه‌ندازیار هه‌ڤال حسێن رێڤه‌به‌رێ گشتی یێ باژێرڤانیا ل پارێزگه‌هێ دیار كر كوش اندێ نافبری گه‌له‌ك كه‌یف خوش بو وان پێنگاڤێن بو پاراستنا ژینگه‌هێ هاتینه ڤاهێتن و دانانا ڤان كارگه‌ها ب كاره‌كێ ساخله‌م ل قه‌له‌م دا . هه‌روه‌سا رێڤه‌به‌رێ گشتی دیار كر كو نوكه كارگه‌هه‌كا دی ژی ل كواشی بو هه‌مان مه‌ره‌م دهێته دانا و پارێ پێدڤی ژلایێ حكومه‌تا هه‌رێما كوردستانێ ڤه بو هاتیه ته‌رخانكرن و ژلایێ كومپانیه‌كا ئه‌لمانێ دێ هێته دانان
