راپۆرتێك ده‌رباره‌ی ئاهه‌نگه‌كانی یادی شۆرشی گوڵانی پێشكه‌وتنخواز له سه‌رتاسه‌ری كوردستان
شنگال
له‌گه‌ل ده‌ستپێكردنى بانگه‌شه‌ى هه‌لبژاردنه‌كانى ئه‌نجومه‌نى پارێزگاى موسل و راگه‌یاندنى لیستى برایه‌تى و پێكه‌وه ژیان به ژماره چوار سه‌د و شه‌ست و نۆ خه‌لكى ده‌ڤه‌رى شنگال به شێوه‌یه‌كى به‌هێز خۆیان ئاماده كردووه بۆ به‌شدارى كردن له هه‌لبژاردن و پشتیوانى كردن له لیستى چوار سه‌د و شه‌ست و نۆ و كاندیدانى پارتى دیموكراتى كوردستان .
لقا نۆزده یا چه‌مچه‌مال یا پارتیا ده‌موكراتا كوردستانێ
ب هه‌لكه‌فتنا بیرئانینا شۆره‌شا گۆلان یا پێشكه‌فتنخواز، لقا نۆزده یا چه‌مچه‌مال یا پارتیا ده‌موكراتا كوردستانێ پێشوازی ل ئه‌ندام و هه‌ڤالێن پارتیا ده‌موكراتا كوردستانێ و هه‌ژماره‌كه پێشمه‌رگه یێن قاره‌مان یێن شۆره‌شا گۆلانێ و به‌رپرسیار و ئالی یێن سیاسی كر و، ئه‌و بیرئانین ژی ل سه‌رۆك بارزانی و هه‌موو پێشمه‌رگه یێن قاره‌مان یێن گۆلانێ پیرۆزكر.
د چارچۆڤا چالاكیان ده ب هه‌لكه‌فتنا بیرئانینا شۆرشا گولانا پێشده‌چۆن خواز، سه‌میناره‌ك ژبۆ نڤیسكار و سیاسه‌تمه‌دار فه‌له‌كه‌دین كاكه‌یی ل باژێرێ سلێمانیێ هاته سازكرن وـ تێده ب هوورى به‌هسا پێخستنا شۆره‌شا گولانێ كر و هن ئاگاهیێن نوو ژی به‌رچاڤ كرن.http://www.kurdistantv.net/default1.aspx?page=articles&c=news&id=106954
لقی بیست و یه‌كی پارتی دیموكراتی كوردستان
مه‌كته‌بی رۆشنبیری و راگه‌یاندنی لقی بیست و یه‌كی پارتی دیموكراتی كوردستان به بۆنه‌ی یادی 37 ساڵه‌ی هه‌لگیرسانی شۆره‌شی گۆلان كۆرێكی بۆ فازڵ ره‌ئوف به‌رپرسی لق سازكرد.
د سه‌مینارێ ده میرانى به‌حسا بیرئانینێن خوه د شۆره‌شا گولانێ ده كر و بال كشانده سه‌ر وان ب ده‌ستخستی یێن گرینگ یێن كو د سه‌رده‌ما شۆره‌شا گولانێ ده ژبۆ گه‌لێ كورد هاتینه ب ده‌ست خستن. پشتره ژبال هن پێشمه‌رگه‌هێن شۆره‌شا گۆلانێ كۆمه‌له‌كا بیرئانینان لدور داستانا سه‌رده‌ما گولانێ ژبۆ ئاماده‌بوویان هاته به‌هسكرن. هه‌ر دڤێ هه‌لكه‌فتنێ ده ناوچه‌یا قه‌ره‌داخ یا پارتیا ده‌موكراتا كوردستانێ ژی سه‌میناره‌ك ژبۆ فازل ره‌ئوف به‌رپرسیارێ لقا بیست و یه‌ك سازكر و تێده ناڤهاتى به‌حسا رۆژێن سه‌رده‌ما شۆره‌شا گولانێ كر كو هێزێن پێشمه‌رگه‌ى ل ژێر شیره‌تێن بارزانیێ نه‌مر و ب سه‌ركرداتی یا سه‌رۆك بارزانی و شه‌هید ئیدریس بارزانی یێ هه‌رتم ساغ شۆره‌شا گولانێ ب پیلانه‌كه دارێتى سه‌ركه‌فتن ب ده‌ست خست.
پشتره خه‌لات ب سه‌ر هه‌ژماره‌كه پێشمه‌رگه یێن قاره‌مان یێن شۆره‌شا گۆلانا پێشكه‌تنخواز ده هاتنه پارڤه‌كرن.
سۆران
ب هه‌لكه‌فتنا سالڤه‌گه‌را شۆره‌شا گۆلان یا پێشكه‌تیخواز، د رێوره‌سمه‌كێ ده ب ئاماده‌بوونا هه‌ژماره‌كه مه‌زن ژ به‌رپرسیارێن سیاسی و ئیداری و هن پێشمه‌رگه یێن ئیلۆن و گۆلانێ ئاڤاهیێ نوو یێ سازیا ئیلۆنا سۆران هاته ڤه‌كرن.
http://www.kurdistantv.net/default1.aspx?page=articles&c=news&id=106958
زاخۆ
ب هه‌لكه‌فتنا بیرئانینا پێخستنا شۆره‌شا گولانێ، پشتى كو رۆژ ل په‌ی رۆژ رێخستنێن پارتى یا ده‌موكارتا كوردستانێ ل ده‌ڤه‌را زاخۆ ب ئاواكێ فره‌ه لسه‌ر روپێڤه‌كه فره‌هتر به‌ر ب زێده‌بوونێ ڤه چۆى، بریار هاته گرتن هه‌ژماره‌كه لێژنه‌یێن دن یێن پارتى ل ده‌ڤه‌رێ بێنه ڤه‌كرن.
به‌بۆنه‌ی هه‌مان یادو به ئاماده‌بونی سه‌ربه‌ست له‌زگین به‌رپرسی لقی هه‌شتی پارتی دیموكراتی كوردستان هه‌رسێ لیژنه‌ی ناوچه‌ی گوڵان، سه‌رهه‌ڵدان، سه‌رده‌م ، كرانه‌وه‌و، له‌وته‌یه‌كیشدا به‌رپرسی لقی هه‌شتی پارتی دیموكراتی كوردستان ئامانجی كردنه‌وه‌ی هه‌رسێ لیژنه ناوچه‌كه‌ی ڕونكرده‌وه.
لێدوان: سه‌ربه‌ست له‌زگین : به‌رپرسی لقی 8ی (پ.د.ك)
http://www.kurdistantv.net/default1.aspx?page=articles&c=news&id=106956
به‌غدا
به‌بۆنه‌ى 37مین ساڵیادى هه‌ڵگیرسانی شۆڕشى گوڵانی نه‌ته‌وه‌یی و به ئاماده‌بوونی نوێنه‌رانی ژماره‌یه‌ك له پارت و لایه‌نه سیاسییه‌كان لقی 5ی پارتی دیموكراتی كوردستان له به‌غدا ئاهه‌نگێكی جه‌ماوه‌رى سازدا.
سه‌ره‌تا ئاهه‌نگه‌كه به راوه‌ستانی یه‌ك خوله‌ك بۆ گیانی پاكی شه‌هیدانی بزووتنه‌وه‌ى رزگاریخوازى گه‌لى كورد و له سه‌رووى هه‌مووشیانه‌وه بارزانیی نه‌مر و كاكه ئیدریسی هه‌میشه زیندوو ده‌ستی پێ كرد .
پاشان محه‌مه‌د ئه‌مین ده‌لۆ به‌رپرسی لق وته‌یه‌كی پێشكه‌ش كرد تێیدا ئاماژه‌ى به‌وه كرد كه ئه‌و پێشكه‌وتن و ئاوه‌دانییه‌ى ئه‌مڕۆ له هه‌رێمی كوردستان به‌رچاو ده‌كه‌وێت به هۆى خوێنی شه‌هیدای شۆڕشى گوڵانی پێشكه‌وتنخوازو سه‌ركردایه‌تی كردنى دانایانه‌ى خودى سه‌رۆك مه‌سعوود بارزانییه‌وه‌یه، له ئاهه‌نگه‌كه‌دا فیلیمێكی دیكیۆمینتی له‌به‌رهه‌مهێنانی نووسینگه‌ى به‌غداى سه‌ته‌لایتی كوردستان له‌باره‌ى شۆڕشى گوڵانه‌وه نمایش كرا دواتریش ئاهه‌نگه‌كه به چه‌ند چالاكی و گۆرانی و هه‌ڵپه‌ڕكێى كوردی كۆتایی پێ هێنرا.
