دێ كارگەهەكا ڤاڤارتنا گلێشی ل ئامێدیێ هێتە دانان
دێرەلوك-KDP.info /ژبوی پاقژكرنا سنورێ دەڤەرا ئامێدیێ وەزارەتا گەشت و گوزاریا حكومەتا هەریما كوردستانی گریبەستەك دگەل كومپانیا هیزل بكوژمێ 54 ملیار دینارا ن بو ماوێ 10 سالان موركر ژبوی پاقژكرنا باژێرڤانیێن سنورێ قەزا ئامێدیێ .
دڤی واریدا ره‌مه‌زان حه‌جی عه‌ساف سه‌رۆكێ باژێرڤانیا ئامێدیێ بۆ kdp.info راگه‌هاند، كۆمپانیا هیزل دێ رابیت ب پاقژكرنا سنۆرێ 13 باژێرڤانیان كو هه‌شت باژێرڤانی ل ده‌ڤه‌را ئامێدیێ نه و13باژێرڤانی سه‌ر ب ده‌ڤه‌رداریا دهۆكێ ڤه‌نه و گرێبه‌ستا ڤێ كۆمپانیێ بۆ هه‌یاما 10سالایه و مه‌هانه 454 ملیۆن دینار دێ بۆ هێنه ته‌رخانكرن و ئه‌ڤ كۆمپانیه دێ ب كارێ راگرنا گلێشێ هه‌موو ده‌ڤه‌ران رابیت دگه‌ل ده‌ردورێن جاده‌یێن سه‌ره‌كی و ناڤ گوندو كۆمه‌لگه‌هان دا. دیسا جهێن گه‌شتیاری و ڤه‌كرنا جاده‌یان ل ده‌مێ گرتنا وان ل وه‌رزێ زڤستانێ ده‌ما به‌فر دباریت یان رێكه‌ك بهێته‌گرتن وشووشتنا جاده‌یان و ئه‌ڤ كۆمپانییه دێ ل سنۆرێن ڤان باژێرڤانییان ب كارێ پاقژكرنێ رابیت. باژێرڤانیێن(زاویته،كۆرا،باگێرا،سه‌رسنكێ،چه‌مانكێ، بامه‌رنێ،قه‌دشێ،ئامێدیێ،شێلادزێ،دێره‌لوكێ و كانیماسێ) دگه‌ل چه‌ندین باژێرڤانیێن دی و هه‌موو گوندێن دكه‌ڤنه سه‌رب ڤان باژێرڤانیان ڤه.
