جۆ بایدن نیگەرانی واشنتۆنی بە نوری مالیکی نیشاندا

ئه‌مه‌ریكا  -    KDP.info / جێگری سه‌رۆكی ئه‌مه‌ریكا، له‌بارودۆخی قەیراناوە ئەمنی و سیاسی عێراق نیگه‌رانی نیشاندا و  یارمەتییەکانی وڵاته‌كه‌شی بە ئامانجی بەگژداچوونەوەی  تیرۆر له‌و وڵاتەدا دووپاتکردەوە. له‌پەراوێزی  په‌یوه‌ندییه‌كی ته‌له‌فۆنیدا،کە له‌گه‌ڵ نوری مالیكی سه‌ره‌كوه‌زیرانی عێراق سازکرد ، جۆ بایدن  جێگری سه‌رۆكی ئه‌مه‌ریكا، وێرای دووپاتکردنەوە  له‌سه‌ر په‌ره‌پێدانی په‌یوه‌ندییه‌ ستراتیژییه‌كانی وڵاته‌كه‌ی له‌گه‌ڵ‌ عێراق ، هەروەها  نیگه‌رانیی واشنتۆنی له بارەی  رەوش و خراپبوونی باری ئه‌منیی عێراق ده‌بڕیوه‌‌ و پشتگیری  ئه‌مه‌ریكاشی بۆ ڕووبه‌ڕووبونه‌وه‌ی تیرۆر‌ و گروپه‌ چەكداره‌ تونده‌ڕه‌وه‌كان لە عێراق دوپاتكرده‌وه‌. كۆشكی سپی لە بەیاننامەیەکدا ئاشکرای کرد: کە  له‌و په‌یوه‌ندییه‌ ته‌له‌فۆنیه‌دا، بایدن ‌و مالیكی قه‌یرانی سوریایان تاوتوێكردوه‌‌و هه‌ردوولا  له‌سه‌ر ڕێگه‌چاره‌ی سیاسی بۆ قه‌یرانی ئه‌و وڵاته‌ ڕێكه‌وتوون.