11 كەس ژ ئەگەرێ دوكێلا ئاگری توشێ بهێن تەنگیێ بوون و سێ گومان لێ كری ژی هاتینە گرتن
دهۆک- تایبەت ب KDP.info/ نەقیب رەشید محەمەد رێڤەبەرێ پولیسێن هەوار هاتنێ ل پارێزگەها دهۆكێ بو kdp.info گوت شڤێدی ل دەمژمێر 8:50 ئاگر بەربویە دكانێن فروتنا بەردا و قوماشی ل بازارێ ئورزدیا كەڤن ل بازارێ دهۆكێ د ئەنجامدا پتر ژ 200 دكان بئێك جاری سوتن ژ ئەگەرێ توكێلا ئاكری 11 كەس توشی بهێن تەنگیێ بوون و رەوانەی نە خوشخانا هەوارهاتنێ كرینە و هەمی پشتی جەند دەمژمێرا دەركە فتینە و خوش بەختانە چ زیانێن گیانی پەیدانەبون
ناڤبری گوت ژی دەمێ ڤەمراندنا ئاگری دا چەند كەسەكا بزاڤا كارێن خراپ دكرن و بەلێ پولیسێن پارێزگەها دهۆكێ د ئەركی دابون و نەهێلان كارێن دزیێ بهێنە ئەنجامدان بو ڤێ چەندێ ژی سێ گومان لێ كری هاتنە گرتن.
نیوار فەریق ژ یەكا بەرەڤانیا باژێرێ دهۆكێ بو kdp.info گوت ل دەمژمێر 8,5 شەڤا بوری ژ ئەگەرەكێ نەدیار ئاگر بەربوو دووكان و كوگەهێن عەمباركرنا قوماشی ل بازارێ دهۆكێ ل سەر سینەما نەوروز دا، ئێكسەر تێمێن ئاگر فەمراندنێ هەشتنە جهێ روودانێ شیان كونترلولا ئاگری بكەن بەلێ ژبەر ئاگرەكێ زێدە هژمارەكا زورا دوكان كو پتر ژ 200 دووكان هاتنە سوتن و ب ملیونان زیان گەهاندنە وەلاتیان.
ناڤبری گوت ژی هەتا نوكە ئەگەرێ وێ روودانێ نەهاتیە زانین كا چاوا ئاگر بەربویێ ، هێچ زیانەكا گیانی نەبون.
ژێدەرەكێ دازانین ژی ژ ئەگەرێ دوكێل و ئاگرێ هژمارەكا وەلاتیان توشێ بهێن تەنگیێ بوون هاتنە رەوانەكرن بو نەخوشخانا هەوار هاتنا دهۆكێ.
جهێ ئاماژێ یە كو رێڤەبەریا پولیسێن دهۆكێ و هەوارهاتنا دهۆكێ بەرگێریا شارستانی و پولیسێن ناڤ باژێری و پولیسێن هاتن و چونێ و هەمی لایەن و بەرپرسێن دام و دەزگەهێن حكومی و حزبی و خەلكەكێ زور ئامادەبون بو كونترولكرنا ئاكری، بو پاراستنا سەر و سامانێ وەلاتیان.
