باراک ئۆباما: شەڕی ئێمە شەڕی دژ بە ئیسلام نییە

ئەمەریکا  -  /  KDP.info  باراك ئۆباما سەرۆكی ئەمەریكا دووپاتیکردەوە کە وڵاتانی رۆژئاوا و ئەمەریكا لەجەنگێكی دژ بە ئیسلام نین،  بەڵکو دژی تیرۆریستان جەنگیان بەرپا کردووە، باراک ئۆباما ئاشكراشی كرد : کە لێدانی گرووپە تیرۆریستییەكان لە ئەفغانستان و تەواوی جیهان ،  دژ بە ئیسلام نییە و وەک گرووپە  توندرەوە سیاسییەكان، هاوشێوەی قاعیدە و حزبوڵڵای لوبنان کە گرووپی توندڕەوەن ،  سەرۆکی ئەمەریکا لە کۆنگرەیەکی رۆژنامەوانیدا ئەوەشی خستە روو:   لەماوەی رابردوودا ئەمەریکا زیاتر لەیەك تریلیۆن دۆلاری بۆ جەنگی دژە تیرۆر تەرخانكردووە و زیاتر لە (7) هەزار  سەربازیشی بۆتە قوربانی ئەو جەنگانە.  باراك ئۆباما ئەوەشی ئاشکراکرد : کە  بەشێك لە وڵاتە ئیسلامییەكان لە جەنگی دژە تیرۆردا بەشدارن، لەوبارەیەشەوە ئاماژەی بە هاوكارییەكانی  عەربستانی سعودیە كرد و ئاماژەی دا  : کە بەهاوكاری دەزگای هەواڵگریی سعودیە، رێگری لە تەقاندنەوەی فڕۆكەیەك لەسەر زەریای ئەتڵەسی كراوە.