لە هەولێر تاكو كۆتایی ئەمساڵ هیچ زەویەكی كارت نامێنێت

هەولێر – تایبەت بە  kdp.info  / سەرچاوەیەك لە وەزارەتی شارەوانی و گەشتوگوزاری حكومەتی هەرێمی كوردستان ئەوە ئاشكرا دەكات كە بڕیاردراوە تاوەكو كۆتایی ئەمساڵ سەرجەم زەویە كارتەكانی شاری هەولێر تاپۆدەكرێن و ئێستا دەست بەجێبەجێ كردنی ئەو بڕیارە كراوە.

 ئیسماعیل محمد بەڕێوەبەری شارەوانیەكانی هەولێر لە لێدوانێكیدا بۆ( kdp.info  ) گوتی: ماوەیەكە سەرقاڵی كاركردنین بۆ تاپۆكردنی ئەو زەویانەی كە تەنها كارتیان هەیەو تاوەكو ئێستا تاپۆ نەكراون كارەكە وەزارەتی شارەوانی بەهاوكاری وەزارەتەكانی كشتوكاڵ و داد  جێبەجێی دەكات  و لیژنەی تایبەتمەند بۆ راپەڕاندنی كارەكان پێكهێنراوە.

ناوبراو گوتیشی:  ئێستا لە ناوچەكانی  شاوێس و گەزنەزان  دەستكراوە بە مامەڵەی تاپۆكردنی زەویەكارتەكان و بەپێی كات و ریزبەندی ناوچەكانی تریش دەگرێتەوەو پێشبینی دەكرێـت  تاوەكو كۆتایی ئەمساڵ سەرجەم زەویە كارتەكانی هەولێر لەسەر خاوەنەكانیان تاپۆ بكرێت و لەساڵی 2014 هیچ زەویەك بەناوی كارت نامێنێت