زێده‌گاڤیێن وه‌لاتییان لسه‌ر ئه‌ردێ باژێرڤانی و چاندنێ ل ئامێدیێ دهێنە باسكرن
ئامێدیێ- تایبەت ب KDP.info / د كۆمبوونه‌كێ دا ل كوچكا ده‌ڤه‌رداریا ئامێدیێ ، كۆ هه‌ر یه‌ك ژ ده‌ڤه‌ردارێ ئامێدیێ ، رێڤه‌به‌رێن ناوچه‌یان ، سه‌رۆكێن باژێرڤانیان ، رێڤه‌به‌رێن ساخله‌میێ ، چاندنێ ، ل سنۆرێ ده‌ڤه‌را ئامێدیێ به‌رهه‌ڤبوون ، باس ل زێده‌گاڤیێن وه‌لاتیان لسه‌ر ئه‌ردێ باژێرڤانیێ و چاندنێ ل سنۆرێ ده‌ڤه‌را ئامێدیێ هاته كرن .
ریباز عبداللە بەرپرسێ راگەهاندنا قایممقامیا قەزا ئامێدیێ دیاركر، د ڤێ كۆمبوونێ دا ، بدرێژی باس ل بریارێن گرێدایی وان جهان هاتییه كرن، ئه‌وێن تا نها نه هاتینه تاپۆكرن و گۆت: دیسا زێده‌گاڤیێن داهاتی ژی ئه‌وێن لسه‌ر ئه‌ردێن حكومی دهێنه كرن ب تێروته‌سه‌لی هاتنه گه‌نگه‌شه‌كرن و ئاشكرا ژی كر ، وان د ئالیه‌كێ دن یێ كۆمبوونا خوه دا ، رێكێن خوه‌پاراستنێ، دیسا ئاماده‌كاریێن گرێدایی ساخله‌میا وه‌لاتیان ب تایبه‌ت ژی ، د وه‌رزێ هاڤینێ دا گه‌نگه‌شه كرینه.
