پتر ژ 200 دوكانێن و كوگەهێن قوماشی ل بازارێ دهۆكێ دا سوتن
دهۆک- تایبەت ب KDP.info/ ل شەفا بوری ژ ئەگەرەكێ نەدیار ئاگر بەربو دوكانێن فروتنا قوماشی ل سەنتەرێ بازارێ دهۆكێ و پتر ژ 200 دوكان هاتنە سوتن و ب ملیاران زیانێن مادی گەهاندنە وەلاتیان و چەند كەسەك ژی توشی بهێن تەنگیێ بون.
نیوار فەریق ژ یەكا بەرەڤانیا باژێرێ دهۆكێ بو kdp.info گوت ل دەمژمێر 8,5 شەڤا بوری ژ ئەگەرەكێ نەدیار ئاگر بەربوو دووكان و كوگەهێن عەمباركرنا قوماشی ل بازارێ دهۆكێ ل سەر سینەما نەوروز دا، ئێكسەر تێمێن ئاگر فەمراندنێ هەشتنە جهێ روودانێ شیان كونترلولا ئاگری بكەن بەلێ ژبەر ئاگرەكێ زێدە هژمارەكا زورا دوكان كو پتر ژ 200 دووكان هاتنە سوتن و ب ملیونان زیان گەهاندنە وەلاتیان.
ناڤبری گوت ژی هەتا نوكە ئەگەرێ وێ روودانێ نەهاتیە زانین كا چاوا ئاگر بەربویێ ، هێچ زیانەكا گیانی نەبون.
ژێدەرەكێ دازانین ژی ژ ئەگەرێ دوكێل و ئاگرێ هژمارەكا وەلاتیان توشێ بهێن تەنگیێ بوون هاتنە رەوانەكرن بو نەخوشخانا هەوار هاتنا دهۆكێ.
جهێ ئاماژێ یە كو رێڤەبەریا پولیسێن دهۆكێ و هەوارهاتنا دهۆكێ بەرگێریا شارستانی و پولیسێن ناڤ باژێری و پولیسێن هاتن و چونێ و هەمی لایەن و بەرپرسێن دام و دەزگەهێن حكومی و حزبی و خەلكەكێ زور ئامادەبون بو كونترولكرنا ئاكری، بو پاراستنا سەر و سامانێ وەلاتیان.
