ساڵح موتڵگ بەرەیەک دادەمەزرێنێت و مالیکیش پشتیوانی دەکات

بەغدا - KDP.info  / نوریمالیكی بۆ په‌راوێزخستنی‌  ئەیاد عه‌لاوی و ئوسامە نوجێفی پشتیوانی‌ لە ساڵح موتڵگ  دەکات تا  به‌ره‌یه‌كی‌ نوێی سوننە  به‌ناوی‌ به‌ره‌ی‌ رزگاری‌ عێراق پێکبهێنێ، ساڵح موتله‌ك جێگری سه‌رۆك وه‌زیرانی عێراق و یه‌كێك له‌سه‌ركرده‌كانی لیستی عێراقیه‌ هه‌وڵه‌كانیان تەرخانکردووە، بۆ پێكهێنانی به‌ره‌یه‌كی نوێ سوننە بە ئامانجی  به‌شداریكردن له‌هه‌ڵبژاردنه‌كانی داهاتوو ی عێراق،بەرەی ‌ رزگاری‌ عێراق ‌ کە موتڵەگ  هەوڵدامەزراندنی بۆ دەدات نزیكه‌ی 100 لایه‌ن له‌خۆده‌گرێت و بە ئامانجی  په‌راوێزخستنی هه‌ریه‌ك له‌ ئه‌یاد عه‌لاوی و ئوسامه‌ نوجێفی، نوری مالیكی سه‌رۆك وه‌زیرانی عێراق پشتیوانی له‌و به‌ره‌ نوێیه‌ ده‌كات. سه‌ركرده‌یه‌كی بزوتنه‌وه‌ی نیشتمانی و چاكسازی و گه‌شه‌پێدان بۆ سۆمەرییە نیوز ئاشكرایكرد: ‌ بەرەی رزگاری  کە موتلەگ سەرۆکایەتی دەکات پێكهاته‌ جۆراوجۆر له‌خۆ ده‌گرێت و ئامانج لێی ده‌ربازكردنی عێراقه‌ له‌قه‌یرانه‌كان.