900 ملیون دینار بو جادێین میرستەكێ هاتینە تەرخانكرن
ئامێدیی- KDP.info/ بۆ چاره‌سه‌ركرنا ئاریشه‌یا هاتنوچوونا وه‌لاتیان ل تاخێ مێرسته‌كێ ل باژارێ ئامێدیێ، بریاره سێ هزار مه‌ترێن جاده‌یێ، ژ ئالیێ حوكمه‌تا هه‌رێما كوردستانێ ڤه، ل تاخێ ناڤهاتی بهێنه چێكرن .
ره‌مه‌زان حه‌جی سه‌رۆكێ باژێرڤانییا ئامێدیێ دیار كر، پڕۆژه‌یێ چێكرنا نێزیكی 3 هزار مه‌ترێن جاده‌یێ ل تاخێ مێرسته‌كێ ل باژارێ ئامێدیێ، نها بۆ كۆمپانییه‌كێ كه‌فتییه و گۆت: پتر ژ 900 ملیۆن دینارێن ئیراقی ژی بۆ بجهكرنا ڤی پڕۆژه‌ی هاتینه ته‌رخانكرن و ئاشكرا كر، پتریا ڤان خێزان ژی ئه‌وێن كۆ بریاره نها جاده‌یا وان بهێته چێكرن، ئه‌و خێزانن، كۆ پێشتر ئاكنجیێن كۆمه‌لگه‌ها كوانێ بووینه. ناڤهاتی ته‌كه‌ز ژی كر، چێكرنا جاده‌یێن نافخۆیی ل تاخێ مێرسته‌كێ، دێ خزمه‌ته‌كا باش گه‌هینیته وه‌لاتیێن ڤی تاخی
