تیمه‌كێ نوشدارێن ئه‌مریكی دێ پشته‌ڤانیا ساخله‌میا خێزانێ ل دهۆكێ كه‌ت
دهوك- KDP.info/ تیمه‌كێ نوشدارێن ئه‌مریكی ب سه‌رپه‌رشتیا د.روبرت دو نوشدارێ خێزانێ و ب هه‌ڤالینیا چه‌ند نوشدارێن تایبه‌تمه‌ند، سه‌ره‌دانا رێڤه‌به‌ریا گشتی یا ساخله‌میا پارێزگه‌ها دهۆكێ كر و كۆمبوونه‌ك سازكر.
د.نزار عصمه‌ت رێڤه‌به‌رێ گشتیێ ساخله‌میا پارێزگه‌ها دهۆكێ دیاركر كو تیمێ ناڤبری ژ چه‌ند نوشدارێن تایبه‌تمه‌ند ل گه‌ل دو ڤه‌كوله‌رێن جڤاكی پێكهاتی بوو و گۆت: تیمێ نوشدارێن ئه‌مریكی دێ كار د پێشڤه‌برنا سیسته‌مێ نوشداریا خێزانێ ل دهۆكێ كه‌ن و دگه‌لدا دێ به‌رێخودانێ ل خزمه‌تێن نوشداریا ژنان و زارۆبوونێ و خزمه‌اێ، بێهوشكرنێ ل دهۆكێ كه‌ن.
تیمێ ناڤبری ل به‌ره سه‌ره‌دانا سه‌نته‌رێ زانست یێ نوشداریا خێزانێ ل دهۆكێ بكه‌ت و چه‌ند رۆژان ل گه‌ل كاربكه‌ت بۆ باشكرنا سیسته‌مێ خزمه‌تێن سه‌نته‌رێ ناڤبری پێشكێشی نه‌خوشان دكه‌ت.
