پولیسێن ناحیا چەمانكی ژی دێ بنە خودان ئاڤاهی

دێرەلوك-KDP.info / ژبوی پتر گرنگی دان ب كەرتێ ئاسایس و ئەولەهیێ ژلایێ حكومەتا هەرێما كوردستانێ ڤە ل سنورێ قەزا ئامێدیێ بكوژمێ پتر ژ 270 ملیون دینارێن عیراقێ بو چێكرنا ئاڤاهیێ پولیسێن سەنتەرێ ناحیا چەمانكێ هاتینە تەرخانكرن .
هەر دڤی واریدا حسێن خالد دەڤەر دارێ ئامێدیێ بو kdp.info دیار كر،ژبوی چارەكرنا ئاریشا پولیسێن سەنتەرێ ناحیا چەمانكێ ودابینكرنا ئاڤاهیێن سەردەم و پیتڤی بو پولیسێن ناڤبری، كوژمێ 277 ملیون و932هزار 586دینار بو ئاڤاهیێ ناحیا چەمانكێ هاتینە تەرخانكرن وئاشكەرا ژی كر : پروژێ ناڤهاتی بو مەرەما بجهكرنێ بو كومپانیا كارین هاتیە رەوانەكرن وپێدڤە دهەیاما 300 روژان دا بدوماهی بهێت.