ل ئامێدیێ 500 ملیون دینار بو چێكرنا سكرەكێ ئاڤێ ل گوندێ مایێ هاتینە تەرخانكرن

ئامێدی- KDP.info /بۆ پتر پێشخستنا كه‌رتێ‌ ئاڤدێریێ‌ ل ده‌ڤه‌را ئامێدیێ‌ و زێده‌تر گرنگیدان ب به‌رهه‌مێن چاندنێ‌ ل گوند و ناوچه‌یێن ڤێ‌ ده‌ڤه‌رێ‌، 500 ملیۆن دینارێن ئیراقی، بۆ چێكرنا سكرەكێ ئاخێ ل گوندێ مایێ ل سنۆرێ‌ ده‌ڤه‌را ئامێدیێ‌ هاتنه‌ ته‌رخانكرن.
د ڤی واری دا حسێن خالد ده‌ڤه‌ردارێ‌ ئامێدیێ‌ بو kdp.info خویا كر، ب مه‌ره‌ما پتر پێشخستنا كه‌رتێ‌ چاندنێ‌، حكومه‌تا هه‌رێمێ‌ به‌رده‌وامه‌ لسه‌ر بجهكرنا پڕۆژه‌یێن ئاڤدێریێ‌ ل گوند و ناوچه‌یێن سنۆرێ‌ ده‌ڤه‌را ئامێدیێ‌ و گۆت: نها ژی كوژمێ 499ملیون و830هزاردینار بو چیكرنا سكرەكێ ل گوندێ مایێ ل ناوچا كانی ماسێ هاتینە تەرخانكرن وپروژێ هان بو كومپانیا كاروخ هاتیە شاندن وخویاكر،ماوەیی بجهكرنا ڤی پروژەیی ژی 240 روژن وئاشكەرا ژی كر،ئەڤ پروژەیە ژ پروژێن پلانا 2012 یە ودیاركر ژی،چێكرنا ڤی سكری دێ مفایەكێ باش گەهینیتە وەلاتیێن ڤی گوندی .