دوو باخچه‌یێن زارۆیان ل ده‌ڤه‌را ئامێدیێ دهینە ڤه‌كرن
ئامێدی- KDP.info/ ب ره‌زامه‌ندیا وه‌زاره‌تا په‌روه‌رده‌یا حوكمه‌تا هه‌رێما كوردستانێ رێكخراوا یونسێف دو باخچه‌یێن زارۆیان ل ناوچه‌یێن سه‌رسنك و بامه‌رنێ ڤه‌كرن.
لوقمان عومه‌ر رێڤه‌به‌رێ په‌روه‌رده‌یا ئامێدیێ راگه‌هاند، ب مه‌ره‌ما بلندكرنا ئاستێ زانستی ل ده‌ڤه‌را ئامێدیێ و ڤه‌كرنا باخچه‌یێن زارۆیان ل وان ده‌ڤه‌رێن تا نها ماینه بێ باخچه رێكخراوا یۆنسێف ب ره‌زامه‌ندیا وه‌زاره‌تا په‌روه‌ردێ دو باخچه‌یێن زارۆیان ل تاخێ به‌فرین ل ناوچه‌یا سه‌رسنكێ و ناوچه‌یا بامه‌رنێ ڤه‌كرینه.
گۆت ژی ئه‌ڤ دو باخچه دبێ ئاڤاهینه هه‌ر دو نها دئاڤاهیێن قوتابخانه‌یان دانه و پشكه‌كا كێم ژ پێدڤیێن ڤان باخچه‌یان رێكخراو به‌رهه‌ڤدكه‌ت لێ تێچون و مامۆستا و ستافێ كاری رێڤه‌به‌رییا په‌روه‌ردێ دابینكرینه،
رێڤه‌به‌رێ په‌روه‌ردێ زێده‌تر دبێژت: دپلانا خوه یا ئیسالدا سێ باخچه دپلانێدابوون و ره‌زامه‌ندی لسه‌ر دویان هات ئێك ل شێلادزێ و یا دی ژی ل دێره‌لۆكێ و نها ده‌ست ب بجهكرنا وان هاتییه‌كرن.
