رۆژنامه‌ی میدڵ ئیست ڤۆیسر : عێراق له سەختترین و خراپترین قۆناغی دایه
عێراق - KDP.info / له‌دۆخی تێکچووی عێراق دا رۆژنامه‌ی میدڵ ئیست ڤۆیسز، هۆشداری ده‌داتە ئامەریکا و رایدەگەینێت دەوڵەتی عێراق له سەختترین و خراپترین قۆناغدایه و نوری مالیكی سەرۆک وەزیرانیش ، خەریکی توندکردنی پێگەی خۆیه‌تی له‌ده‌سه‌ڵاتدا. له ڕاپۆرتێكی شیكاریدا رۆژنامه‌ی میدڵ ئیست ڤۆیسزی ئه‌مەریكی ئاشکرای کردووە: کە ئێستە هەموو ئاماژەکان بۆ ئەوە دەچن ، عێراق به‌ره‌و شه‌ڕی ناوخۆ هەنگاو دەنێت، لە بڕی رێگریکردن لە روودانی شەڕی ناوەخۆیی، کەچی له‌م كاته‌دا نوری مالیكی سه‌رقاڵی قایمكردنی پێگه و شوێن پێی خۆیه‌تی، رۆژنامه‌کە ئاماژه‌ی به‌وه‌شكردووه، به‌گوێره‌ی ئه‌و رووداو و زنجیره ته‌قینه‌وانه‌ی كه له چه‌ند رۆژی رابردوو روویاندا، عێراق پێی ناوه‌ته پشێوترین قۆناغی مێژووی خۆیه‌وه و ئه‌مه‌ش وا ده‌خوازێت چوارچێوه‌یه‌كی سیاسیی نوێ گه‌ڵاڵه بكرێت بۆ سه‌رله‌نوێ داڕشتنه‌وه و رێكخستنه‌وه‌ی په‌یوه‌ندییه ناوخۆییه‌كانی كۆمه‌ڵگای عێراقی. هه‌ر له‌و راپۆرته‌دا رۆژنامه‌ی میدڵ ئیست: باسی لە رکابەرییەکانی ده‌سه‌ڵاتی نێوان شیعه و سوننه‌کان كردووە، كه هه‌موو جارێك رووداوێكی مەبەستدار كۆمه‌ڵێك لێدوانی دژبه‌یه‌كی بەرپرسانی هەردوولای لێدەکەوێتەوە و ره‌وشه‌كه‌ش زیاتر گرژ و ئاڵۆزتر ده‌كات، کە ئەمەش وا دەکات دواجار په‌نابردن بۆ بژارده‌ی چه‌ك لە دژی ئەم مژاردەی کۆتایی هەردوولا بێت، رۆژنامەکە ئیدارەی ئەمەریکای لە تیکچوونی بارودۆخی عێراق ئاگادار کردۆتەوە و داوای کردووە، کە به‌په‌له فریای دۆخی ئێستەی عێراق بکەوێت.
