279 رێڤەبەرێن قوتابخانا ل دهۆكێ هاتنە خەلاتكرن
دهوك- KDP.info/ بهەلكەفتا بورینا 51 سالا ل سەر دامەزراندنا ئێكەتیا ماموستایێن كوردستانێ ل پارێزگەها دهۆكێ 279 رێڤەبەرێن قوتابخانەیێن سنورێ پەروەردێن روژهەلات و روژئاڤا د رێورەسمەكێ دا ل ئێكەتیا ماموستایێن كوردستانێ هاتنە خەلاتكرن.
ماموستا وەهبی یونس تێلی بەرپرسێ ئێكەتیا سەندیكا ماموستایێن كوردستانێ لقێ دهۆكێ تایبەت بو kdp.info راگەهاند بهەلكەفتا بورینا 51 سالا ل سەر دامەزراندنا ئێكەتیا ماموستایێن كوردستانێ جوانترین پیروزباهیا ئاراستەی هەموو ماموستایێن كوردستانێ و پارێزگەها دهۆكێ دكەم ئاشكراكر دوهی ئێڤاری ب ئامادەبونا رێڤەبەرێ گشتێ یێ پەروەردا دهۆكێ رێڤەبەرێن هەر دو پەروەردێن روژ هەلات و روژئاڤا و نینەرێن لایەنێن سیاسی 123 ماموستا و رێڤەبەرێن قوتابخانێن سنورێ پەروەردا روژئاڤا هاتنە خەلاتكرن.
وەهبی زێدەتر خویاكر ئەڤرۆ روژا پێنچ شەمبی 16/5 ل دەمژمێر پێنچێ ئێڤاری درێورەسمەكێ دا 156 رێڤەبەرێن سنورێ پەروەردا روژ هەلات دێ هێنە خەلاتكرن هەروەسا بو سالێن بهێت ژی دێ ماموستایێن هەر حەفت قەزایێن سنورێ پارێزگەها دهۆكێ هێنە خەلاتكرن.
