سەروكێ زانكۆیا دهۆكێ: مە چوو دكتورا مەستەر ژبەر لایەنێ سیاسی رەتنەكرینە
دهۆک- تایبەت ب KDP.info/ ئەمیندارێ گشتی یێ یەكگرتوو ئیسلامی كوردستان د بەرنامەكێ تلەفزیونێ دا دیاركربوو كو وان پتر ژ 150 هەلگرین باوەرنامێن دكتور و ماستەرێ ل پارێزگەها دهۆكێ هەنە و زانكویێن دهۆكێ پێدڤی پێ هەنە بەلێ ژبەر لایەنێ سیاسی ناهێنە وەرگرتن ب نەجاری ل ئامادەیان دەوامێ دكەن، بەلێ سەروكێ زانكویا دهۆكێ ئەو چەند رەتكر كو زانكویا دهۆكێ پێدڤی دكتور و ماستەرا هەبن ژبەر لایەنی سیاسی نەوەرگرتن گوت هەر پشكەكا زانستی پێدڤی ب دكتور و ماستەرا هەبیت و هەلگرێن دكتورایێ و ماستەرێ پێشكێشی پشكەكا زانستی كربیت، بسەر هەر حزبەكا سیاسی بیت دهێتە وەرگرتن.
د: مسلح دهۆكێ بو kdp.infoدیاركر هەر پشكەكا زانستی یان ڤەكولتیا پێدڤی ب بسپورەكی هەبیت هەلگرین باوەرنامێن دكتورایێ و ماستەرێ پێشكێشی وێ پشكا زانستی بكەت دهێتە بلنتكرن بو سكولێ بو فەكولیتێ بو سەروكاتیا زانكۆیێ ل دوڤ ڤان پروسیسا دهێنە دامەزراندن، بەس ئەگەر وێ پشكا زانستی پێدڤی پێ نەبیت داخازا وی ناهێتە بلنتكرن و ناهێتە دامەزراندن، گوت ژی ئەگەر هندەك پشكێن زانستی پێدڤی ب وی ماموستا ژی هەبن ددەمەكی دا بیت چو مفا لێ نەهێتەوەرگرن دوماهیا كورسی بیت ناهێتە وەرگرتن و چو جێوازی دناڤ بەرا هەر هەلگرەكی دكتور و ماستەرێ دا نینە.
مسلح دهۆكی زێدەتر خویاكر هەموو لایەنێن سیاسی ل زانكۆیا دهۆكێ دا هەنە چ جێوازی دناڤبەرا وان دا نینە، زانكویا دهۆكێ پێدڤی ب بسپورەكی هەلگری دكتور و ماستەری هەبیت بێ جێوازیا لایەنی سیاسی هاتیە وەرگرتن.
