تەرمێ زەلامەكێ 69 سالی ل گوندەكێ دەڤەرا ئامێدیێ دهێتە دیتن

ئامێدی- KDP.info/ تەرمێ زەلامەكێ كوشتی یێ تەمەن 69 سالی كو خەلكێ قەزا سیمیلێ یە وخانە نشینێ پێشمەرگەیە و چوار زارۆك ژی هەنە دناڤ بیستانێ وی دا ل گوندێ هەمزیكێ یێ سەر ب قەزا ئامێدیێ ڤە دهێتە دیتن .

دڤێ واریدا (موقەدەم محەمەد عەبدولرەزاق) رێڤەبەرێ پولیسێن قەزا ئامێدیێ دیاركر، كو دوهی سپێدێ ئەو هاتینە ئەگەهداركرن كو تەرمەك ل ناڤ بیستانەكێ گوندێ هەمزیكێ هاتیە دیتن و گۆت: ( هەر زوو تیمێن مە یێن ئەولەهیێ ل جهێ روودانێ ئامادەبوون و دیار بوو كو ئەڤ زەلامە ژ داكبوویێ 1944 و ناڤێ وی (س، د ) خەلكێ گوندێ بوتیایە و جەنازێ وی دناڤ بیستانێ وی دا هاتیە دیتن).

ناڤبری ئەو یەك ژی دیاركر، كو تا نها ئەگەرێن روودانێ نەهاتینە زانین و لێكولین ژی ل سەر ڤێ بوویەرێ د بەردەوامن.