ئەمەریکا .. 3 کەس بە هۆی دزەکردنیان بۆ نێو دامەزراوەکی ئەتۆمی دەستگیرکران

ئەمەریکا - KDP.info / خانمێکی ڕه‌به‌نی کاثۆلیک و دوو چالاکوانی ئاشتیخواز تۆمەتی چوونە‌ ناو دامه‌زراوێکی چه‌کی ئەتۆمیی وڵاته‌ یه‌کگرتووه‌کانی ئه‌مریکا و تێکدانی ناو ئه‌و دامه‌زراوەیان خرایە پاڵ ‌و  چاوەڕوان دەکرێت لەلایەن دادگای ئەمریکا و  سزا بدرێن .  ماڵپەری سی ئین ئێن بڵاویکردەوە : ده‌سته‌یه‌کی سوێندخۆرانی فێدراڵی له‌ ستانی ته‌نه‌سی ئەمەریکا، هەریەکە لە میگا ڕایس ی ته‌مه‌ن 83 ساڵ و  مایکڵ واڵی و گرێک ۆرتیجی به‌ تۆمەتبار دانا، به‌هۆی زیان لێدانی موڵکی فێدراڵی و و تێکدانی دامه‌زراوی ( وای 12 ی ئاسایشی نیشتیمانی )  کە له‌ مانگی 7 ی ڕابردوودا له‌ شارۆچکه‌ی ئۆک ڕیدج دەزەیان بۆ دامەزراوەکە کردبوو ،بە پێی زانیارییەکانی دەستەکە، ئه‌م سێ که‌سه‌ دیواری ئاسایشی دامه‌زراوه‌که‌یان بڕیوه‌ و به‌ سپره‌  دروشمیان له‌ سه‌ر باڵه‌خانه‌ی دامه‌زراوه‌که‌ نوسیوه‌ که‌ شوێنی هه‌ڵگرتنی سه‌دان تۆن یۆرانیۆمی پیتێندرا  به‌ ئاستێکی به‌رز‌ی تێدایە، شوێنەکەش قەدەغەکراوە و تایبەتە بە دروستکردنی چه‌کی ئه‌تۆمی ،پارێزەرانی دادگای  فێدراڵی ئاشکرایان کرد: کە   ئه‌و کاره‌  کە ئه‌و 3 که‌سه‌ کردویانه‌ زیانی هه‌زاران دۆلاری بە ئەمریکا داوه‌ و کردارەکەیان وای کردووە به‌ ناچاری کارکردن له‌و دامه‌زراوه‌ بۆ ماوه‌ی 3 هه‌فته‌ ڕابگیرێت ‌. بە پێی زانیارییەکانی ده‌سته‌ی سوێندخۆرانی فێدراڵی له‌ ستانی ته‌نه‌سی ئەمەریکا، چاوەروان دەکرێت،‌ ڕایس و واڵی و ۆرتیجی هه‌ر یه‌که‌یان بۆ تێکدانی دامه‌زراوه‌که‌ به‌ 20 ساڵ زیندانی کردن سزا بدرێن، هاوکات  بۆ ئه‌و زیانانه‌ی داویانه هه‌ر یه‌که‌یان ‌10 ساڵی دیکە، زیندانیکردنیان به‌سه‌ردا بسەپینرێت.