قوتابیێن پەیمانگەها تەكنیكیا ئامێدێی خوەنیشاندانەكێ سازدكەن
ئامێدی- KDP.info / هه‌ژماره‌كا قوتابیێن په‌یمانگه‌ها ته‌كنیكی یا ئامێدیێ بۆ ده‌ربرینا نه‌رازیبوونا خوه ل هه‌مبه‌ری نه‌مه‌زاختنا ده‌رمالێن وان ونە ئه‌نجامدانا گه‌شتا زانستی، خوه‌نیشادانه‌ك بۆ به‌ر ئاڤاهیێ قایمقامیا قه‌زا ئامێدیێ سازكر و تێدا داخوازیێن خوه ئاراسته‌ی قایمقامی كرن.
ب گۆتنا ئێك ژ خوه‌نیشاده‌ران ئه‌ڤه ده‌مه‌ك ل سه‌ر دانا ده‌رمالێن وان ده‌رباز بوو و هێشتا بۆ نه‌هاتینه مه‌زاحتن دیسان گه‌شتا زانستی بۆ وان نه‌هاتیه سازكرن و گۆت ئه‌م داخوازێ دكه‌ین كو ب زووترین ده‌م ده‌رمالێن مه بهێنه مه‌زاختن وگەشتا زانستێ ژی بومە بهێتە ئەنجام دان ).
دكتۆر ئیحسان ته‌وفیق راگرێ په‌یمانگه‌ها ته‌كنیكی یا ئامێدیێ دیاركر كو خوه‌نیشادانا ڤان قوتابیان ژ به‌ر دو ئه‌گه‌ران بوو و گۆت: ( ئه‌گه‌رێ ئێكێ گه‌شتا زانستی بوویه و هه‌تا نها رازیبوونا دارایی نه‌هاتیه‌كرن كو بهێته ئه‌نجامدان و نه‌به‌س رازیبوون بۆ مه نه‌هاتیه كرن، به‌لكو بۆ چو كولیژ و په‌یمانگه‌هان نه‌هاتیه).
هه‌روه‌سا ئه‌گه‌رێ دویێ ژی بۆ نه مه‌زاختنا ده‌رمالان دزڤرت و گۆت:(ژ به‌ر نه‌بوونا پاره‌ی د به‌نكان دا ده‌رمالێن قوتابیان گیروبووینه و ئه‌م چاڤه‌رێ نه هه‌ر ده‌مێ پاره هات دێ هێنه مه‌زاختن).
