ئاڤا ڤەخوارنا خەلكێ دێرەلوكێ یا پیسە
دێرەلوك- تایبەت ب KDP.info/ ژبەر كەڤن بوونا بوریێن ئاڤێ ل تاخێ گولان ل سەنتەرێ ناحیا دێرەلوك مەترسیا نەخوشیان لێ دهێتە دیتن ژبەركو بوریێن وان ژەنگێ گرتینە وتیكەلێ ئاڤا پیس بووینە وخەلكێ ئەڤێ تاخی ژی ێن دنەرازینە لسەر ئاڤا خو یا ڤەخوارنێ .
حسین ئوسمان وەلاتیەكێ تاخێ گولانە دبێژیت، دەما ئەڤ كومەلگەهە هاتیە ئاڤاكرن بوریێن مە ێن ئاڤێ ژی هاتینە دانان وهەتا نها نەهاتینە گوهارتن وگەلەك جاران ئەم دبینین ئاڤا سورە ئەڤە ژی هندێ دیاردكەت كو تێكەلی ئاڤا پیس دبیت ودبیتە مەترسێ بو سەر ساخلەمیا خەلكێ تاخێ گولان وئەم داخازێ ژ جهێن پەیوەندیدار دكەین كو چارەسەریەكێ بومە ببینن .
ژلایێ خوە بەشار حجی بەرپرسێ فەرمانگەها ئاڤا ئامێدیێ دیاركر، مە ئاگەه ژ ئاریشا تاخێ گولان هەیە ودێ هەمێ تورێن ئاڤێ ێن نوی وێن كەڤن ێن ئاسنی دێ هێنە گوهورین وئەڤە چەندێن سالا مە دەست ئەڤێ پروژەی كری ونها ژی ئەم بەردەوامین لسەر گوهارتنا بورێن گەڤن هەتا هەمی بورێن ئاڤێ دبنە پلاستیك وبڤی رەنگێ ژی دێ ئاریشا خەلكێ تاخێ گولان چارەسەربیت .
