سەیرانەك بو كێم ئەندامێن دهۆكێ هاتە سازكرن

دهوك-KDP.info/ بەپرسێ رێكخراوا مەند بو یەكسانیێ راگەهاند وەك گرنگی دان ب تەخ و جینێن جڤاكی داكو كێم ئەندامێن پارێزگەها دهۆكێ ژی ب خوشیا سروشتێ جوانێ بوهارێ شادببن كو زوربەیا رێڤەبەریێن میری و حزبی قوتابی ئافرەت و لاو خەلكێ جودا چوینە سەیرانا ژبەر ڤێ چەندێ رێكخراوا مەند بو یەكسانیێ هەڤكاری دگەل رێكخراوا كوردوس ب هەم ئاهەنگی دگەل كومەلا ژین یا كێم ئەنداما ل پارێزگەها دهۆكێ سەیدانەكا مەزن بو گشت كێم ئەندامێن پارێزگەها دهۆكێ ل دەڤەرا ئەتورش سازكر.

 هێرش رەشید بەرپرسێ رێكخراوا مەند بو یەكسانیێ بو  kdp.infoگوت هەمی مەزاختنا ڤێ سەیرانێ ل سەر حسابا وان بویە سەیرانەكا خوش و ب بەرنامێن جوداجودا بو كێم ئەنداما هاتە سازكرن و گەلەك بەرنامە ژلایێ كێم ئەنداما ڤە هاتبونە دروستكرن و بەریكانە هاتنە ئەنجامدان. گوت مەرەم ژ ئەنجامدانا ڤێ سەیرانێ ئەوە داكو كێم ئەندامێن پارێزگەها دهۆكێ ژی هەست ب كێماسیێ نەكەن و ژ خوشیا سروشێ كوردستانێ ژی بێ بەهر نەبن.

هێرش خویاكر ژی زوربەیا كێم ئەندامێن پارێزگەها دهۆكێ د ناڤا سەیرانێ دا ئامادەببون.