پارێزگه‌رێ دهوكێ پێشوازیا وه‌زیرا كاروكاروبارێن جڤاكی دكه‌ت
دهوك- KDP.info/ دوهی 8-5-2013به‌رێز ته‌مه‌ر ره‌مه‌زان پارێزگه‌رێ دهوكێ پێشوازیا خانم (ئاسوس نه‌جیب) وه‌زیرا كار وكاروبارێن جڤاكی وشانده‌كێ وه‌زاره‌تێ كر. دهه‌ڤدیتنه‌كێدا ب ئاماده‌بونا به‌رێز كوردو ئه‌سعه‌د هاریكارێ پارێزگه‌ری به‌حسێ ره‌وشا دام وده‌زگه‌هێن وه‌زراه‌تێ ل سنورێ پارێزگه‌هێ وئه‌و خزمه‌تا بو خه‌لكێ خودان پێدڤیێن تایبه‌ت پێشكێشدكه‌ن بگشتی هاته كرن . وه‌زیرا كاروكاروبارێن جڤاكی سوپاسیا پارێزگه‌رێ دهوكێ كر ل دور ئه‌و پشته‌ڤانیا به‌رده‌وام یا دگه‌ل سازیێن وه‌زاره‌تێ ل پارێزگه‌هێ دكه‌ت ...ژلایێ خوڤه پارێزگه‌رێ دهوكێ دوباره پشته‌ڤانیا خو بو فه‌رمانگه‌هێن وه‌زاره‌تێ دوپاتكر . هه‌ژی گوتنێ یه هه‌ر ئه‌ڤرو سپێدێ وه‌زیرا كاروكاروبارێن جڤاكی ل ده‌ڤه‌را ئێتیتێ وب ئاماده‌بونا كوردو ئه‌سعه‌د نونه‌رێ پارێزگه‌رێ دهوكێ كومه‌لگه‌ها ئاڤاهیێن خودان پێداویستیێن تایبه‌ت یێن چاڤدێریا جڤاكی ڤه‌كرن وگه‌ریانه‌ك لناڤ كومه‌لگه‌هێ كر وژنێزیك سه‌حكره ره‌وشا هه‌ر ئاڤاهییه‌كی ...هه‌ژی گوتنێ یه كومه‌لگه‌ها هه‌نێ ژڤان ئاڤاهیان پێك دهێت:- (سه‌نته‌رێ ئوتیزمێ – په‌یمانگه‌ها روناهی یا نابینان – په‌یمانگه‌ها هانا بو راهێنانان وشیاندنا كێم ئه‌نداما – په‌یمانگه‌ها ئاوات یا په‌روه‌ردا مێشكی – په‌یمانگه‌ها هیوا یا نا بیستان ) كومه‌لگه‌ه ل سه‌ر روبه‌رێ 9480م2بكوژمێ 3ملیار و333ملیون دینارا ب پشته‌ڤانیا حكومه‌تا هه‌رێما كوردستانێ هاتیه ئاڤاكرن
