وەزیرێ باژێرڤانیێ وگەشت وگوزارێ سەرا دەڤەرا ئامێدیێ دا

ئامێدیێ-   KDP.info/ وەكو بەرهەڤی بو سەردانا سەروكێ حكومەتا هەریما كوردستانێ بو دەڤەرا ئامێدیێ وبمەرەما ژ نێزیك دیتنا كێماسیێن هەیی وپروژێن خزمەتگوزاری ل دەڤەرێ دلشاد شهاب وەزیرێ باژێرڤانی وگەشت وگوزاریا حكومەتا هەرێما كوردساتنێ ب سەروكاتیا شاندەكێ وەزارەتێ سەرا هژمارەكا پروژێن خزمەتگوزاری وباژێرڤانیێن توخیبێ قەزا ئامێدیێ دا ول كوچكا قایممقامیێ ژی وب ئامادەبوونا قایممقامێ قەزا ئامێدیێ كومبوونەك دگەل فەرمانگەهێن سەر ب وەزارەتا ناڤبری ڤە سازكر .

دلشاد شهاب وەزیرێ باژێرڤانی وگەشت وگوزاریا حكومەتا هەریما كوردستانێ بو دەزگەهێن راگەهاندنێ دیار كر، لڤان نێزیكان دێ سەروكێ حكومەتا هەریما كوردستانێ سەرا قەزا ئامێدیێ ددەت وبەروەخت ژی ئامادەیا خو یێ دیاركری كو بشتەڤانیەكا باش بو پروژێن ڤێ دەڤەرێ بكەتن .

 هەر دسەرەدانا خودا وەزیرێ باژێرڤانیێ سەرا پروژێ ئاڤا دێرەولكێ دا كو پروژەكێ ستراتیژیێ دەڤەرێ یە وبدەماهیك هاتنا ئەڤێ پروژەی دێ ئاریشا ئاڤا ئامێدیێ بو دەمێ 25 سالان چارە بیت .

دیسان ژبوی پاقژكرنا سنورێ قەزا ئامێدیێ گریبەستەك دگەل كومپانیا هیزل موركربو پاقژكرنا باژیرڤانیێن قەزا ئامێدیێ بو دەمێ 10 سالان.