چاوانیا گوتارخاندنێ بۆ گوتاربێژێن مزگەفتێن دەڤەرا ئامێدیێ دهێتە شرۆڤەكرن

ئامێدیێ-KDP.info/ ب مەستا ب هێزكرنا ئاستێ گوتار خواندنێ و گونجاندنا وێ بۆ سەر دەمێ نها رێڤەبەریا گشتی یا ئەوقافا پارێزگەها دهوكێ و رێڤەبەریا ئەوقافا ئامێدیێ ب هەڤكاری ل گەل ئێكەتیا زانایێن ئاینێ ئیسلامێ و تێبینەریا ئەوقافا ئامێدیێ رابوو ب سازكرنا خۆلەكا سێ رۆژی بۆ هەژمارەكا ماموستایێن ئاینی و گوتاربێژێن دەڤەرا ئامێدیێ ل رۆژا سێ شەمبی 7/5/2013 ل هۆلا سەنتەرێ رەوشەنبیری ل ئامێدیێ.

هەكار عەبدولسلام تێبینەرێ ئەوقافا ئامێدیێ بۆ kdp.infoدیار كر، كو ئەڤ خۆلە دێ بۆ هەیاما سێ رۆژان یان بەردەوام بیت و تێدا 30 گوتاربێژێن دەڤەرا ئامێدیێ بەشداری كریە و وانە دێ ژ لایێ 6 دكتورێن زانكویێ ڤە هێنە پێشكێشكرن گۆت: ( مەبەست ژ ڤێ خۆلێ ژی ب هێزكرنا شیان و ئاستێ گوتار خواندنێ یە ل دەڤ گوتابێژان و هەروەسا گونجاندنا گوتارا وانە ل گەل دەمێ نها و چاوانیا سەرەدەری كرنێ یە ل گەل دەمی و واقعێ ئەڤرۆ دەڤەر تێدا دەرباز دبیت و یاسا و پرنسیپن یاسایی یێن نها ل گەل واقعێ سەردەمیانە).

ناڤبری دیاركر، كو د ڤێ خۆلێ چەندین سمینار و وانەیێن جورا و جور دێ هێنە پێشكێش كرن ژ وان ژی وانە دێ ل سەر مارەكرنا ژنێن بچووك و میراتگەری و مێژویا كوردستانێ و چەندین بابەتێن دیتر هێنە گۆتن.