216 پارچێن ئەردی ل دێرەلۆكێ ب سەر هاولاتیان دا هاتنە دابەشكرن

دێرەلوك-KDP.info/ د رێ و رەسمەكێ دا و ب ئامادەبوونا بەرپرسێ لژنا دابەشكرنا پارچێن ئەردی ل پارێزگەها دهوكێ و هەژمارەكا بەرپرسێن حكومی 216 پارچێن ئەردی ب سەر هاولاتیان دا ل هولا ناوەندا وەرزش و لاوان ل دێرەلۆكێ ل رۆژا سێ شەمبی 7/5/2013 هاتنە دابەشكرن.

بەهمەن ئەحمەد رێڤەبەرێ ناحیا دێرەلۆك بۆ kdp.infoدیاركر، كو ئەڤ پارچێن ئەردی دێ ب سەر چەندین جورێن هاولاتیان و تویژێن جڤاكی هێنە دابەشكرن و گۆت: ( فەرمان و رازیبوون ل سەر دابەشكرنا ڤان پارچێن ئەردی ب سەر ڤان هاولاتیان دا بەری نها هاتیە كرن و ئەڤرۆ ئەڤ پارچێن ئەردی ب شێوەیێ تیرو پشك ب سەر ڤان هاولاتیان دا هاتن دابەشكرن).

و گۆت: (ئەڤ پارچێن ئەردی 216 نە و ب سەر پێشمەرگە و پەككەفتی و فەرمانبەر و چەندین توویژێن دی یێن جڤاكی هاتنە دابەشكرن و دابەشكرنا ڤان پارچێن ئەردی ژی دێ بیتە پالدەرەك بۆ كێمكرنا ئاریشەیا ئاكنجی بوونێ ل دەڤەرێ).