وه‌زیرێ باژێرڤانی و گه‌شت و گوزار سه‌را پارێزگه‌ها دهوك دا
دهوك- تایبەت ب KDP.info / ئه‌ڤروسپێدێ 7/5/2013 دلشاد شهاب وه‌زیرێ باژێرڤانیا و گه‌شت و گوزارێ و شاندێ دگه‌لدا سه‌را كوچكا پارێزگه‌ها دهوك دا ژلایێ ته‌مه‌ر ره‌مه‌زانپارێزگه‌رێ دهوكێ پێشوازیا لێ هاته كرن .
دهه‌ڤدیتنه‌كێ ب ئاماده‌بونا رێڤه‌به‌رێ گشتی یێ باژێرڤانیێن پارێزگه‌هێ و رێڤه‌به‌رێن ئاڤادهوك و ئاڤا ده‌وروبه‌رێن دهوكێ و شینوارا و سولینا و نه‌خشه‌دانانا ئاڤاهیان و باژێرڤانیا دهوكێ به‌حسێ پلان و به‌رنامێن وه‌زاره‌تا باژێرڤانیێ بو ده‌ڤه‌رێ ل سالا 2013 و گرنگیا ڤان پروژێن هاتینه ده‌ست نیشانكرن بو پارێزگه‌هێ ژ پلانا وه‌زاره‌تێ و كوژمێن پارێ بو هاتیه ده‌ست نیشانكرن هاته كرن،
وه‌زرێ باژێرڤانیێ دیار كر كو ئارمانج ژ سه‌ره‌دانێ ئه‌و ه دووڤ چونا پروژێن وه‌زاره‌تێ بكه‌ن ئه‌وێن ل ده‌ڤه‌رێ دهێنه بجهئینان و زانینا پێدڤی و كێم و كاسیان و ده‌ست نیشانكرنا ئاسته‌نگان و چاره‌كرنا وان ل دوف شیانا و گوت ئه‌م یێن هاتین دێ دگه‌ل رێڤه‌به‌رێن گرێداری وه‌زاره‌تێ كوم بین بو زانینا كێم و كاسیان و ئاسته‌نگێن كاری و چاره‌كرنا وان ل دوف شیانا هه‌روه‌سا دێ سه‌ردانا ده‌ڤه‌را ئامێدیێ و دیره‌لوكێ و شێلادزێ كه‌ین بو دووڤ چونا كاری ل سه‌ر پروژێ ئاڤا ده‌ڤه‌را ئامێدیێ كو ژ پروژێن ستراتیژی یێن حكومه‌تا هه‌رێمی دهێته هژمارتن و موركرنا هه‌ڤبه‌ستا پاقژكرنا گلێشی ل سنورێ ده‌ڤه‌را ئامێدیێ كو ژپروژێن گرنگه ژبه‌ر كو ده‌ڤه‌ره‌كا گوزاری یه و پێدڤی بباقژ راگرتنێ یه، هه‌ژی گوتنێ یه دڤێ هه‌ڤبه‌ستێ دا بو ماوێ ده‌ه سالا دێ كومپانی 13 باژێرڤانیا پاقژكه‌ت و مه‌بله‌غه‌كێ زور ژلایێ حكومه‌تا هه‌رێمێ مه بو هاتیه ته‌رخانكرن .
ژلایێ خوڤه پارێزگه‌رێ دهوكێ چه‌ندین بیرو بوچون دیار كرن سه‌باره‌ت پروژێ ئاڤا ئامێدیێ و ته‌ئكید ل سه‌ر له‌زكرنێ دپروژه‌ی دا كر بو نه‌هێلانا ئاسته‌نگێن كاری وه‌كو قه‌ربوكرنا وان وه‌لاتیێن ئه‌ردێ وان دكه‌ڤیته به‌ر كارێ پروژه‌ی هه‌روه‌سا به‌حسێ پێدڤیێن ده‌ڤه‌رێ ژ پروژێن باژێرڤانیێ كر، ل دوماهیێ به‌حسێ ئاریشێن برێڤه‌برنا پروژێ ئاڤا دهوكێ و نه‌بونا بودجا پێدڤی بو برێڤه برنا ڤی پروژه‌ی هاته كرن و وه‌زیرێ باژێرڤانیێ به‌لین دا كو ئاریشێ چاره بكه‌ت و گوت باشتره ستافێ رێڤه‌به‌ریا ئاڤا دهوكێ پروژه‌ی برێڤه‌ببه‌ت .
