بە یارمەتی نوری مالیکی رێکخراوێکی سەربازی شیعە دروست دەکرێت
عێراق - KDP.info / سەرچاوەیەکی نزیک لە کەسایەتی ئاینی شیعە مەحمەد ناسری رایگەیاند : شێخ مەحمەد ناسری خەریکی پێکهێنانی رێکخراوێکی چەکدارییە بەمەبەستی پشتگیریکردن لە حکومەتی ئێستای عێراق ، سەرچاوەکە کە نەیوست ناوی ئاشکرا بکریت، ئەمرۆ یەکشەممە بە ماڵپەری سامەڕای راگەیاند: شێخ مەحمەد ناسری ماوەیەکە کەوتۆتە جموجۆل و پەیوەندیکردن بەوکەسانەی کە پێشتر ئەندام بوونە، لە رێکخراوەکانی ئیسلامی ، بە ئامانجی رێکخستنی ریکخراوێکی تازە چەکداری ، بەناوی حزب الله لە عێراق (الغالبون) ، سەرچاوەکە ئەوەشی خستە روو : کە ناسری لە نێوان پارێزگاکانی زیقار و بەغدا هاتووچۆ دەکات و لە پەیوەندی بەردەوام دایە لە گەڵ یاریدەدەرانی نوری مالیکی و ئەوان هاریکاری پێشکەش دەکەن، بە ئامانجی زوو دروست کردنی ئەو رێکخراوە سەربازییە لە نزیکترین کاتدا.
