تاوانبارێ گەنجەك ل دهۆكێ كوشتی هاتە دەستەسەركرن

دهوك- تایبەت ب KDP.info/ رێڤەبەرێ پولیسێن نەهێلانا گونەهباریا دریاركر پشتی كو ل ل دەمژمێر نەه و نیڤێ شەفا چار شەمبیا بوری گەنجەكێ 22 سالی ل بەرامبەری ئەنجومەنی پارێزگەها دهۆكێ ب كێرا هاتیە كوشتن، كەسێ كوشتی نەهاتە نیاسین چونكی چو ناسنامە دگەل دانە بون، بكوژێ وی یێ بەرزەبوو، بەلێ پشتی بورینا 12 دەمژمێرا پولیسێن پارێزگەها دهۆكێ شیان بكوژێ وی گەنجی ل ناحیا بەحركێ ل پارێزگەها هەولێرێ دەستەسەربكەن.

مقەدمێ ماڤپەروەر عسمەت فەرەج محەمەد رێڤەبەرێ پولیسێن نەهێلانا گونەهباریان ل پارێزگەها دهۆكێ ئەڤرۆ دكونگرەكێ روژنامەڤانی دیاركر پشتی لێكولین دگەل تاوانباری دا هاتینەكرن ل بەرامبەر دادوەری دان ب تاوانا خوكر، ئەو كەسێ هاتیە كوشتن هاتە نیاسین دیاربوو تاوانبار و كەسێ كوشتی هەر دو كوردێن روژئاڤایێ كوردستانێ نە، پەنابەرێ هەرێما كوردستانێ بونە و ل پارێزگەها دهۆكێ ئاكنیجیبون.

ناڤبری ئەگەرێ ڤێ بویەرێ ژی دیاركر كو چار گەنجێن روژئاڤا ل سەنتەرێ دهۆكێ ل سەر كارەكێ بون بشەڤ ژی مانە وێرێ شەرەدەڤەك دناڤبەرا دو ژوان دروستبویە، پاشان شەرێ خو دەرێخستی یە ل بەرامبەر ئەنجومەنی پارێزگەهێ ئێك ژوان سێ چەقو ل هەڤالێ خو دانە و كوشتی یە.

گوت ژی تەرمێ بكوژی هێشتا نەهاتیە رادەستكرن هەتا كو ب رێكا دادگەهێ گوتنێن بابێ وی دهێنە وەرگرتن ب رازەمەندیا دادگەهێ تەرمێ وێ دهێـتە رادەستكرن، دازانین ژی نوكە تاوانبار ل زیندانێ دایە ل دوڤ یاسایا سزایێن عیراقێ سەرەدەری دگەل دێ هێتەكرن.