بەرهەمێن قوتابیان دپێشانگەهەكێ دا ل شێلادزێ دهێنە نیشاندان

دێرەلوك-KDP.info/ ژبوی پتر ئاستی قوتابیان ژلایێ هونەری ڤە بەرز ببیت ولژێر چاڤدێریا (بەهمەن ئەحمەد) رێڤەبەرێ ناحیا دێرەلوكێ قوتابخانا شەهیدان ل گومەلگەها شیلادزێ ئەوا سەر ب قەزا ئامێدیێ ڤە پێشانگەها خو یا سالانە ل هولا قوتابخانا نافبری ڤەكر .

ماموستایێ بابەتێ هونەریێ یێ قوتابخانا شەهیدان (برڤان فەخردددین) بو kdp.infoدیار كر، سالانە ئەم ئەڤان جور ە پیشانگەها بوقوتابیێن خو ل قوتابخانا خوە ڤەدكەین داكو پتر ئاستێ قوتابیان ژلایێ هونەری ڤە بەرڤ پێشڤە بچن وئاشكەرا ژی كر،كو دڤێ پیشانگەهێ دا تابلویێن شیوەكاری ئەوێن قوتابیان بدەستێن خوە چێكرین و كارێن دەستی وەكو ئامیرێن كەڤن وجلك و خوارن ئەوین سەر دەمێ باب وباپیران هاتینە نیشاندان .

دیسان نافبری ئەو یەك ژی دیاركر كو ئەڤ جورە پێشانگەهە دبنە پالپشتیەك بو قواتبیان داكو پتر گرنگیێ ب كارێن هونەری بدەن وئەو هزرێن دسەری واندا هەی بكەنە تابلویەكێ شێوەكاری ودڤان جورە پیشانگەهاد ا بینە نمایشكرن .