رووبارێ هشكەروو ل دهۆكێ ب شەش قوناغا دهێتە چێكرن
دهۆک- تایبەت ب KDP.info/ رێڤەبەرێ سولینا ل پارێزگەها دهۆكێ دیاركر: ل سەر فەرمانا سەروكێ حكومەتا هەرێما كوردستانێ پروژێ سولینا یێ رووبارێ هشكەروو ل سەنتەرێ دهۆكێ دهێتە چێكرن، تاقیگەهێن ئاخێ خلاسبوینە ، نوكە ب رێكا كومپانیا گورباغوگروپ دەست ب چێكرنا قوناغا ئێكێ یێ رووبارێ هشكەروو ل نێزیك گەلیێ بێسرێ هاتیەكرن، بەلێ هندەك كێشەیێن ئەملاكا یێن خەلكی یێن هەین و برێكا لژنەكێ چارەسەریا وان دهێتەكرن.
زیاد ئەحمەد عاسم بو kdp.info دیاركر ئەڤ پروژە ب شەش قوناغا پێكدهێت بدرێژایا (19كلم) ل گەلیێ بێسرێ تا دگەهیتە دلپێ ب شێوەیەكێ زور سەردەمانە و ڤەكری دهێتە چێكرن، ئاڤا پیس برێكا دو بوریا دهێتە رەوانەكرن ئەو گلێش و پیساتیێ ل ناڤا گەرەكێن دهۆكێ دا هاتینە كومكرن هەمی دهێنە پاقژكرن.
زێدەتر دیاركر دیزاینەكا گەلەك جوان بو روبارێ هشكەروو هاتیەدانان دناڤ پروژە دا 19 جهێن گوزاری و تەرفیهی و وەرزشی دهێنە دروستكرن و دیمەنەكێ زور جوان دێ ددەتە باژێرێ دهۆكێ.
زیاد ئەحمەد گوت ژی ل دوڤ ماستەر پلانا پروژە پێنچ ویستگەهێن پارزنینكرنا ئاڤێ بو وێ ئاڤا پیسا ل رووبارێ هشكەروو دەردكەڤیت دهێنەدانان ئاڤا پیس دهێتە بارزنینكرن، و مفایەكێ مەزن دێ لێ هێتەدیتن.
ل درو ئاڤا بارانا زیاد دبێژیت نوكە دیزایینەكا باش بو ئاڤا بارانا ل سەنتەرێ دهۆكێ دهێتە دانان ئەو ئاڤا بارانا ئەوا لناڤ گەرەك جادێن دهۆكێ كوم دبوو، دێ ب رێكا سولینا هێتە رەوانەكرن، ئەڤ سالە قوناغا ئێكێ دی دەستپێكەت ل داهاتی دا ئاریشا كومبونا ئاڤا بارانا ل جادە و كەرەكێن دهۆكێ ژی نامینیت دهێتەچارەسەركرن.
عەبدولا نهێلی
