عێراق ... تەنیا لە مانگی رابردوودا، پتر لە 1200کەس کوژران و بریندار بوون

بەغدا -  KDP.info/  رووداو و کرده‌وه‌ توندوتیژییەکان له‌ عێراق  بەهۆی پێکدادانەکانی ئەم دواییە رووی له‌زێدەبوون کردووە و لە گەڵ ئەوەشدا  رێژەی قوربانیان بەرزبۆتەوە، له ‌مانگی نیسانی رابردوو  640که‌س کوژران. هه‌روه‌ها له ‌به‌غدا و له‌ 1ی ئایار رۆژی جیهانی کرێکاران  18که‌س کوژران و  شه‌ڕ و پێکدادان و ئاڵۆزیش له ‌نێوان عه‌شیره‌ت و مه‌زهه‌به‌کان  له نێوەخۆی عێراقدا  زیاتر بوو، مانگی نیسان بووه‌ مانگێکى خوێناوی. بە پێی ئامارەکانی  وەزارەتی ناوەخۆ، دەرەنجامی کوژراو و  قوربانییەکانیان  لە دەرنجامی ئه‌و شه‌ڕ و ئاڵۆزی و پێکدادانی له‌ مانگی نیساندا هاتووه‌ته‌ ئاراوه‌ و به‌لایه‌نى که‌مەوە 64  که‌س کوژران و 1219  که‌سیش بریندار بوون.  بەپێی ئامارەکە  له‌نێو کوژراوه‌کاندا 54  پۆلیس، 53سه‌رباز، 14  چه‌کداری شیعه‌ و  2 پێشمه‌رگه‌ هه‌یه‌.  ئه‌و که‌سانه‌ی له ‌مانگی نیساندا کوژراون ، زۆربه‌یان هاووڵاتی مه‌ده‌نی بوونە، شایانی باسه‌ وەک پێشتر ئاماژەی پێدراوە  له‌ عێراقدا له‌مانگی ئاداردا 271که‌س  کوژران و 906   که‌سیش بریندار بوون .