بەغدا.. کۆبوونەوەی نێوان نێچیرڤان بارزانی و جەعفەری بە ئەرینی کۆتایی پێهات

بەغدا  - KDP.info  /  کۆبوونەوەی نێوان  شاندی هەرێمی کوردستان بە سەرۆکایەتی نێچیرڤان بارزانی سەرۆکی حکوومەت و ئیبراهیم جەحفەری سەرۆکی هاوپەیمانی نیشتمانی لە بەغدا  کۆتایی پێهات و  تێدا پاراستنی پەیوەندی  ستراتیژیی نێوان  کورد و شیعە دووپات لێکراوەتەوە و هەردوو لا پابەندبوونیان  بە ناوەرۆکی ئەو رێکەوتنانەی  دەربرییوە  کە پێشتر لە کۆبوونەوەکانی پێشووی هەردوولای ئیمزای لەسەر کراوە، نووسینگەی ئیبراهیم جەعفەری سەرۆکی هاوپەیمانی نیشتمانی، دوای کۆبوونەوەکی ئەمرۆی نێوان بارزانی و جەعفەری بەیاننامیەکی بڵاوکردەوە ، تێدا ئەوەی خستۆتە روو : کە  کۆبوونەوەکە  ئەرینی بووە و هەردوولا رێکەوتوون،  لەسەر پابەندبوون بە هەموو رێکەوتنەکانی پێشوویان و درێژەدان بە کۆبوونەوەکان لە داهاتوودا بەئامانجی یەکلاکردنەوەی ئەو پرسانەی کە لەنێوان حکومەتی ئیتیحادی و هەرێمی کوردستان بە هەڵپسێردراوەی ماونەتەوە،  بەرنامەی کاری شاندی هەرێمی کوردستان بۆ بەغدا  بریتییە لە کۆبوونەوەیان لە گەڵ نوری مالیکی سەرۆک وەزیرانی عێراق و ئوسامە نوجەیفی سەرۆکی ئەنجوومەنی نوێنەرانی عیراق،  بیجەگە لە  سەرۆکی حکومەتی هەرێمی کوردستان ،  شاندی هەرێم پێک هاتوون لە دکتۆر ئاشتی وەزیری سامانە سروشتییەکان و عەلی سندی  وەزیری پلاندانان و  جەبار یاوەر ئەمینداری گشتی وەزارەتی پیشمەرگەی هەرێمی کوردستان پارێزگاری کەرکووک.