ل ئامێدیێ پتر ژ300 ملیۆن دیناران بۆ دو پڕۆژه‌یێن ئاڤدێریێ‌هاتینە تەرخانكرن
ئامێدی- KDP.info/ بۆ پتر پێشخستنا كه‌رتێ ئاڤدێریێ ل ده‌ڤه‌را ئامێدیێ و زێده‌تر گرنگیدان ب به‌رهه‌مێن چاندنێ ل گوند و ناوچه‌یێن ڤێ ده‌ڤه‌رێ، نێزیكی 300 ملیۆن دینارێن ئیراقی، بۆ چێكرنا دو پڕۆژه‌یێن ئاڤدێریێ ل گوندێن سنۆرێ ده‌ڤه‌را ئامێدیێ هاتنه ته‌رخانكرن.
د ڤی واری دا حسێن خالد ده‌ڤه‌ردارێ ئامێدیێ بو kdp.hnfoخویا كر، ب مه‌ره‌ما پتر پێشخستنا كه‌رتێ چاندنێ، حوكمه‌تا هه‌رێمێ به‌رده‌وامه لسه‌ر بجهكرنا پڕۆژه‌یێن ئاڤدێریێ ل گوند و ناوچه‌یێن سنۆرێ ده‌ڤه‌را ئامێدیێ و گۆت: نها ژی پڕۆژه‌یێ چێكرنا جۆكا سه‌رێ صورێ بن ته‌حتێ ل ده‌ڤه‌را ئامێدیێ، بۆ كومپانیا) ئاوار ( هاتییه شاندن و دیار كر، ئه‌ڤ پڕۆژه‌یه دێ لسه‌ر بودجه‌یێ گه‌شه‌پێدانا هه‌رێمان ڤه هێته بجهكرن و 150 ملیۆن و 141 هزار دینار بۆ ئه‌نجامدانا ڤی پڕۆژه‌ی هاتینه ته‌رخانكرن و خویا كر، دیسا 126 ملیۆن و 103 هزار دینار ژی بۆ چێكرنا جۆكا گوندێ كانی چنارۆكێ هه‌ر ل ده‌ڤه‌را ئامێدیێ هاتینه ته‌رخانكرن و ئاشكرا ژی كر، پڕۆژه‌یێ هان ژی بۆ كۆمپانیا ( ده‌رگه‌لی) هاتییه ره‌وانه‌كرن و بریاره ئه‌ڤ جۆكه د هه‌یاما 150 رۆژان دا بهێته چێكرن.
