وەلاتێن گوندێ بێسرێ خوپێشاندانەك سازكر
دهۆک - تایبەت ب KDP.info/ ل سەر كێشەیێن ئەردا كو بو بەری چەند سالەكا وەلاتێن گوندێ بێسرێ ئەردێن خو ئاڤادكرن، بەلێ ب ئەمرێ لژنەكا تایبەت ل سەروكاتیا هەرێمێ بو ماوێ چەند سالەكا یە رێك ل وەلاتیان هاتیەگرتن كو نابیت ئەو ئەردێ خو ئاڤا بكەن و زێدەگاڤیە، نیڤرویا ئەڤرۆ هژمارەكا وەلاتیێن خەلكێ گوندێ بێسرێ یا سەر ب ناحیا زاویتەڤە خوپێشاندانەك ئەنجامدا و بو ماوێ نیڤ دەمژمێری رێكا سەرەكێ دهۆك زاویتە گرتن.
ژێدەرەكێ ژ پولیسێن پارێزگەهادهۆكێ بو kdp.infoدیار كر ، دگەل دروستبونا خوپێشاندانێ هێزێن پولیسان ئامادەبون، شییان بو ماوێ نیڤ دەمژمێری َ رێكا سەرەكی یا دهۆك و زاویتە ڤەكەن.
بوتان محسن قایمقامێ قەزا دهۆكێ بو kdp.infoگوت بەرێ چەند سالا هژمارەكا وەلاتێن گوندێ بێسرێ ئەردێن خو بخو ئاڤادكرن، پاشان لژنەیەك ل سەروكاتیا هەرێمێ هات ئێدی رێك نەدا وەلاتیان ئەردێن خو ئاڤا بكەن، گوت چەندین جارا وەلاتین گوندێ بێسرێ داخاز كریە كو ئەو ئەردێن خو ئاڤا بكەن بەلێ ددەستهەلاتێن وان دا نەبو رێكێ بدەنێ ئەردێن خو ئاڤا بكەن، بتنێ ئەو لژنا سەروكاتیا هەرێمێ شیان رێكێ بدەنە وەلاتیان.
هەروەها گوت ژی بەر ڤێ چەندێ ئەڤرۆكە هژمارەكا وەلاتیێن بێسرێ خوپیشاندانەك ئەنجامدا داخازكرن كو حكومەتا هەرێمێ رێكی بدەتە وان ئەو ئەردێن خو ئاڤا بكەن ئەگەر نە دێ بەرفرەهتر لێ كەن.
بوتان دیاركرژی ژەڤرۆ لژنەك ل سەروكاتیا هەرێمی هاتبوو دهۆكێ وان ژی ئاریشا وان وەلاتیان گەهاندێ بو هندێ ئەو ژی بگەهینیتە لژنا تیابەت كو رێكەكێ بو ئاریشا خەلكێ گوندێ بێسرێ پەیدابكەن.
