قوتابیان پتر ژ 90% رێنمایێن پاقژكرنا ژینگەهێ جێبەجێكرینە
دهۆک - تایبەت ب KDP.info/ فەرماندێ هێزا پێشمەرگێ پاراستنا ژینگەهێ ل دهۆكێ ئاشكراكر: بەری دەستپێكرنا سەیرانێن قوتابیان بو دناڤا ژینگەهێ دا، هێزا پاراستنا ژینگەها دهۆكێ ب هەڤكاری دگەل زانكۆ و پەیمانگە و رێڤەبەریا گشتێ یا پەروەردێ ل پارێزگەها دهۆكێ چەندێن رێنما ژبوی پاراستنا ژینگەهێ و نەپێسكرنا جهێن سەفرێن قوتابیان دانابون كو هەر سەیرانەكا قوتابیان پێگیری ب وان رێنمایا نەكربا ژلایێ هێزاپێشمەرگێ پاراستنا ژینگەهێ ڤە هێتە سزادان، بەلێ خوشبەختانە پتر ژ 90% قوتابیێن زانكۆ و پەیمانگەو بنەرەت وئامادەیێن دهۆكێ پێگیری ب رێنمایێن پاقژكرنا ژینگەهێ كرینە.
عەبدولكەریم هێتوتی فەرماندێ هێزا پێشمەگێ پاراستنا ژینگەهێ ل پارێزگەها دهۆكێ بوkdp.infoراگەهاند ل دەستپێكا هەیڤا چار دگەل دەستپێكرنا سەیرانێت قوتابیان روژانە پتر ژ 20 پێشمەرگا دەردكەفتنە دگەل سەیرانێن قوتابیان دا بو هندێ ئەو رێنمایێن هاتینەدان پێگیری پێ بهێتەكرن و ژینگەهێ پاقژ رابگرن، دەمێ سەیرانێن قوتابیان ڤەدگەریان ژلایێ رەوشەنبیرا ژینگەهێ ڤە نێرینا جهێت وان دهاتەكرن ئەگەر یا پیس با دا ناڤێ وێ قوتابخانێ هێتە رەوانەكرن بو پەروەردێ بو هندێ بهێتە سزادان.
هێتوتی خویاكر ژی بخوشحالی ڤە ئەڤ سالە هێچ قوتابخانەكێ یان زانكۆ پەیمانگەهەكێ سەرپێچیا رێنمایێن پاراستنا ژینگەهێ نەكرینە هەمی قوتابخانا بەرمایكێن خۆ راكرینە، هێچ قوتابخانەك ژی نەهاتیە دیاركرن بو هندێ بهێتە سزادان.
