مەلا مەزھەر لەوتاردان دورخرایەوە
ھەولێر-تایبەت بەKDP.info/ مەریوان نەقشبەندی بەڕێوبەری راگەیاندنی وەزارەتی ئەوقاف و کاروباری ئاینی حکوومەتی ھەرێمی کوردستان بەkdp.infoراگەیاند: لە بەرئەوەی مەلا مەزھەر خوراسانی مۆڵەتی خوێندنی وەرگرتووە بەمەبەستی بەدەستھێنانی بروانامەی ماستەر لە سودان لە وتاردان راگیراوە، چونکە ئەمە پێچەوانەی رێنماییەکانی وەزارەتی ئەوقافە.
مەریوان نەقشبەندی گوتیشی: ھەروتار بێژێک مۆڵەتی خوێندنی ھەبێت ناکرێت وتار بدات، بۆیە یەکێک لە ھۆکارەکانی راگرتنی مەلا مەزھەر لە وتاردان ئەمەیە، بەڵام وتاری ئەم دوایە و چەند لێدوانێکی دژ بە رێکخراوەکانی کۆمەڵگەی مەدەنی و ژنان کاریگەری ھەبوو لەسەر لادانی.
نەقشبەندی ئاماژەی بەوەشکرد، ژمارەیەکی دیکەش لە مەلا ھەیە مۆڵەتی خوێندنیان وەرگرتوە و وتار دەدەن، بەڵام لەداھاتوو رێگە بەوانیش نادرێت وتار بدەن ، تا ئەوکاتەی مۆڵەتەکەیان تەواو دەبێت.
ئەمەش لە کاتێکدایە پێش چەند مانگێک مەلامەزھەر خوراسانی وتاربێژی مزگەوتی قادر بلە لە شاری ھەولێر دژ بە رێکخراوەکانی کۆمەڵگەی مەدەنی و ژنان بووە ھۆی نارەزایەتی زۆرێک لەم رێکخراوانە .
