شوان پەروەر: چاوەڕوانی بانگەوازی ئۆجەلانم
ئەستەنبووڵ- KDP.info/ هونەرمەندی ناوداری كورد شوان پەروەر سەبارەت بە مەسەلەی گەڕانەوەی خۆی بۆ توركیا گوتوویەتی: بۆ ئەوەی كە بگەڕێمەوە توركیا چاوەڕوانی بانگەوازی سەرۆكی پەكەكە عەبدوڵلا ئوجەلان دەكەم.
شوان پەروەر لە دیمانەیەكدا لە گەڵ نووسەری رۆژنامەی تەرەفی توركی رەوشەن چاكێر گوتوویەتی: من ناتوانم بۆ گەڕانەوەی خۆم بۆ توركیا بە پێی داواكاری یا بڕیاری سەرۆك وەزیری توركیا هەڵسوكەوت بكەم، من ناچارم بۆ گەڕانەوەی خۆی چاوەڕوانی ئۆجەلان بكەم تا بانگەوازی ئاراستەی من بكات و من بگەڕێمەوە.
شوان پەروەر و ئاماژەی بەوە كردووە كە ئۆجەلان دەتوانێت وەكو چۆن بانگەوازی ئاراستەی پەكەكە كرد، تا هێزە چەكدارەكانی خۆی بكێشێتەوە بەمجۆرەیش دەتوانێت بانگەوازییەك ئاراستەی من بكات تا منیش بگەڕێمەوە بۆ توركیا.
