عێراق : لە دوو رۆژی رابردوودا پتر لە 120 کەس کوژران

عێراق- KDP.info / له‌ دوو رۆژی رابردوودا له‌ دەرنجامی  رووداوه‌كانی  ئەم دوایەی عێراقدا کە له‌ناوچه‌ جیاجیاكان دروست بوون ، سه‌د و هه‌ژده‌ كه‌س كوژراون و به‌ده‌یان كه‌سی دیکەش برینداربوون و زۆربه‌ی كوژراوه‌كانیش له‌ قەزای حه‌ویجه‌ بوونە. به‌پێی لێدوانی  به‌رێوه‌به‌ری فه‌رمانگه‌ی تەندروستی  كه‌ركوك، له‌ رووداوه‌كانی حه‌ویجه‌دا په‌نجاو شەش كه‌س كوژراون  و  سه‌د و ده‌ كه‌سی تریش برینداربوون.  هاوکات لە ریزەکانی سوپای عێراقیش  9 سەرباز کوژراو ژمارەیەک  بریندار هەبوون، له‌لایه‌كی دیکەوە له‌ناوچه‌ جیاوازه‌كانی عێراقدا  لە پرۆسەکانی بەناوی (تۆلە سەندنەوە) 30كه‌س كوژاراون و ژمارەیەکی دیکە بریندار بوون.، هه‌روه‌ها بەپێی ئەو زانیارییانەی کە دەست  KDP.info   کەوەتووە ئاماژه‌دراوە بەوەی کە  ئەمرۆ پێنجشەممە جاریکی دیکە  بەریەککەوتن و شەر و پێکدادان لەناوچەکانی  قەرتەپە و سلێمان بەگ  و حەویجەو  موسڵ  و چەند ناوچەیەکی دیکەی  عێراق ، دەستی پێکردۆتەوە و بەهۆیەوەش دەیان کەس لە هەردوو ریزی چەکداران و سوپای عێراق کوژران و بریندار بوون .