رێڤه‌به‌ریا گه‌نجینیا ئامێدیێ‌ و بەنكا سپنە ل سەرسنكێ هاتنه‌ ڤه‌كرن

ئامێدیێ-KDP.info/ ئاڤاهیێ‌ نوو یێ‌ به‌نكا سه‌رسنكێ‌ و رێڤه‌به‌ریا گه‌نجینا قه‌زا ئامێدیێ‌ ب ئاماده‌بوونا بریكارێ‌ وه‌زاره‌تا دارایی و ئابووریا حكومه‌تا هه‌رێما كوردستانێ‌ و قایمقامێ‌ قه‌زا ئامێدیێ‌ و هه‌ژماره‌كا به‌رپرسێن حزبی و حكوومی یێن ده‌ڤه‌رێ‌ هاته‌ ڤه‌كرن.
ره‌شید تاهر بریكارێ‌ وه‌زاره‌تا دارایی راگه‌هاند كو مه‌ره‌م ژ سه‌ره‌دانا وی بۆ ده‌ڤه‌را ئامێدیێ‌ پتر هایداربوونه‌ ل سه‌ر ره‌وشا ده‌ڤه‌رێ‌ وژ به‌ر مه‌زن بوونا ده‌ڤه‌رێ‌ و زێده‌بوونا هه‌ژمارا ئاكنجیێن وێ‌ ڤه‌كرنا رێڤه‌به‌ریا گه‌نجینێ‌ ل ئامێدیێ‌ كاره‌كێ‌ فه‌ر بوو و دێ‌ شێت خزمه‌ته‌كا باش پێشكێشی خه‌لكێ‌ ده‌ڤه‌را ئامێدیێ‌ كه‌ت.
ناڤهاتی دیسا دیار كر ژبه‌ر كو ئاڤاهیێ‌ به‌نكا سه‌رسنكێ‌ یێ‌ كه‌ڤن و نه‌یێ‌ گونجای بوو، له‌ورا ئه‌ڤ ئاڤاهیێ‌ نوو بۆ ل سه‌ر بودجا حكوومه‌تا هه‌رێما كوردستانێ‌ هاته‌ چێكرن و نها كه‌فتیه‌ د خزمه‌تا وه‌لاتیان دا.