چین : بومه‌له‌رزه‌یه‌ک گیانیان له‌ده‌ستدانی 56 که‌س و بریندار بوونی زیاتر له‌ 600 که‌سی لێکەوتەوە

KDP.info  /له‌ هه‌رێمی سیشوانی باشوری چین بومه‌له‌رزه‌یه‌کی توند روویدا و له‌ ئه‌نجامدا  56 که‌س گیانیان له‌ده‌ستدا و زیاتر له‌  600 که‌سی تریش بریندار بوون و ده‌نگۆی زیاتربوونی ژماره‌ی قوربانیان له‌ ئارادایه‌ , به‌پێی هه‌واڵی ئاژانسی فه‌رمی چین  بومه‌له‌رزه‌یه‌ک به‌ هێزی  7 پله‌ به‌ پێوه‌ری رێخته‌ر و به‌پێی ناوه‌ندی ژیۆفیزیکی ئه‌مریکاش  USGS هێزه‌که‌ی  6.6 له‌ قووڵایی  12کم  له‌ ناوچه‌ی یانی شارۆچکی لوشانی داوه‌, سه‌رچاوه‌کان رایانگه‌یاند که‌ به‌هۆی بومه‌له‌رزه‌که‌وه‌ هه‌ڵوه‌شانی زه‌وی هاتۆته‌ ئاراوه‌ و ژماره‌یه‌کی زۆر خانووی کۆنیش هه‌ڵوه‌شاونه‌ته‌وه‌، به‌پێی زانیارییه‌ سه‌ره‌تاییه‌کانیش  56 که‌س گیانیان له‌ده‌ستداوه‌ و زیاتر له‌  600 که‌سیش برینداربوون, پێشتریش له‌ ساڵی 2008دا له‌ هه‌مان ئه‌و هه‌رێمه‌ بوومه‌له‌رزه‌یه‌ک به‌ هێزی  7.9 روویدابوو و به‌هۆیه‌وه‌ زیاتر له‌  70 هه‌زار که‌س گیانیان له‌ده‌ستدا و  18 هه‌زار که‌سیش بێ سه‌روشوێن بوون .